Sakaliya
3 Ngwe andekesa omunene-nakwa Susuwee,+ utai ponthele yoandyu ya Siovaa. Satanasi+ utai kokulio kwa Huku opo alwise Susuwee. 2 Oandyu ya Siovaa aipopila Satanasi okuti: “Siovaa utyii etyi mekulingi Satanasi,+ Siovaa wokwakoya o Selusalei+ mwene utyii etyi mekulingi! Susuwee hatyinthimbu vala tyolukunyi tyapolwa potupia?”
3 Susuwee, utai ponthele yoandyu, wavala ovikutu vimwe viasila. 4 Oandyu aipopila ononkhwavo mbuli-po aiti: “Mupolei ovikutu viae viasila.” Konyima, aipopila Susuwee okuti: “Tala, ononkhali mbove nekupola-mbo,* pahe, movalekwa ovikutu oviwa.”+
5 Ame andyiti: “Muvalekei omulami wasukuka mombamba.”+ Avemupake omulami wasukuka mombamba, tupu avemuvaleka ovikutu. Oandyu ya Siovaa ili ponthele yae. 6 Oandyu ya Siovaa aipopila Susuwee aiti: 7 “Siovaa womambamba ovita wati: ‘Ine weendela monondyila mbange, olingi ovilinga nekupa, mokalinga wokuteta onomphela meumbo liange,+ mokayunga* omapata ange. Mandyikekuyeka ukale pu ava veli ponthele yange.’
8 “‘Tehelela-vo ove munene-nakwa Susuwee, ove naava upumphi navo, mokonda ovalume ovo vekahi ngatyina otyilimbo. Ndyikahi nokweta omuundapi wange+ utiwa Ondyovo.+ 9 Talei emanya napaka ponthele ya Susuwee! Kemanya olio like vala, kuna omaiho epandu-vali. Ame mandyihoneka-ko. Etyi mandyihoneka-ko, kamatyinyimi-ko. Himakavela vali onombei otyilongo etyi,’+ o Siovaa womambamba ovita wetyipopia.
10 “Siovaa womambamba ovita wati: ‘Monthiki oyo, matyikati ou ukaihanena mukwavo momwombelo wae, momuti wae wonouva, no momukuyu wae, ou ukaihanena mukwavo momwombelo wae, momuti wae wonouva no momukuyu wae.’”+