Amosi
4 “Tehelelei ondaka ei onwe nongombe onoina mbo ko Mbasaa,
Vokuli komphunda yo Samaliya,+
Onwe vakai vokuvaka vana velikondola koututu,+ vokumonesa ononkhumbi ovahepi,
Onwe vokupopila ovalume venyi* okuti: ‘Tweetelei-vo tyimwe tyokunwa!’
2 Tatekulu Ohamba Onene Siovaa waana nousukuki wae okuti:
‘“Makuya ononthiki onwe mamukahumphulwa-po nonohako.
Vokwahupa-po avahumphulwa-po nonondyolo.
3 Onwe mamukakwata poumbololo wotyimato, munthu na munthu makakwata pokambololo keli komutwe wae.
Mamukataatelwa ko Halumoo,” o Siovaa wetyipopia.’
Etei oviawa vienyi komuhuka,+
Tepulei kovipuka muna-vio,+ pe 10 polei-po tyike amuvieta monthiki ya tatu.
5 Yokei ombolo ina onkhiso opo mulinge otyilikutila tyokupandula.+
Ivisei nondaka yakaluluka oviawa mwalinga!
Mokonda otyo muhole okulinga onwe va Isilayeli,’ o Tatekulu Ohamba Onene Siovaa wetyipopia.
6 Siovaa wati: ‘Ame hemupele okulia momapunda-umbo enyi aeho,
Momaumbo enyi aeho nakambesa-mo ombolo.+
Mahi no ngootyo kamwakondokele kwaame.’+
7 ‘Tupu, tyina kukamba onohanyi ononthatu muteye, ankho hilokesa ombila.+
Ankho ndyilokesa ombila mepunda-umbo limwe, mekwavo anahalokesa-mo.
Mepia limwe ombila ankho iloka-mo,
Mahi ekwavo liokuhalokwa ankho likukuta.
8 Ovanthu vo momapunda-umbo evali hamwe etatu venda tyasosoloka mepunda-umbo like, ngamo vakanwa omaande,+
Avahakowa;
Mahi no ngootyo kamwakondokele kwaame,’+ o Siovaa wetyipopia.
9 ‘Ankho ndyinyona ovikuna vienyi nomutenya utokota unene, nonkhume.+
Ankho mwayawisa komapia enyi no komiti vienyi vionouva,
Mahi ovimphunia-mphunia ankho vilia omikuyu vienyi, nomindyambi vienyi.+
Mahi no ngootyo kamwakondokele kwaame,’+ o Siovaa wetyipopia.
10 ‘Nemuyumba omukihi ngeetyi nalingile ko Isitu.+
Andyiipaa ovana venyi ovakwendye nomutunga,+ andyityindi-po ononkhambe mbenyi.+
Ononthanda mbenyi mbanika vala ovivimbi;+
Mahi no ngootyo kamwakondokele kwaame,’ o Siovaa wetyipopia.
11 ‘Naeta ehanyu pokati kenyi,
Ngeetyi nalingile mo Sondoma no Ngomola.+
Onwe ankho mukahi ngotyinthimbu tyevai tyahupa kotupia.
Mahi no ngootyo kamwakondokele kwaame,’+ o Siovaa wetyipopia.
12 Otyo, otyo mandyikekulinga Isilayeli.
Mokonda mandyikulingi ngootyo,
Lifwiika opo ulivase na Huku yove, ove Isilayeli.