Omukanda wo Tete Ehipululo

14 Hilau ohamba yo Tilu,+ watumine ovatumwa-ndaka ku Ndaviti, vatyinda omavai omisendulu, novatungi vonondywo,* novahongi vomavai, opo vekemutungile ondywo.*+ 2 Ndaviti etyimono okuti Siovaa wemuvialeka ngohamba yo Isilayeli,+ tyeetyi wankhimaneka ouhamba wae mokonda yovanthu Vae ova Isilayeli.+

3 Ndaviti anepe vali ovakai ovakwavo+ mo Selusalei, atyiti vali ovana ovakwendye novakainthu.+ 4 Aa omanyina ovana vae atyitilile mo Selusalei:+ O Samuwa, o Sombambe, o Nataa,+ o Salomau,+ 5 o Imbale, o Elisuwa, o Elipelete, 6 o Nongaa, o Nefenge, o Safiya, 7 o Elisama, o Mbeelianda na Elifelete.

8 Etyi ova Filisitiya vetyiiva okuti Ndaviti walembulwa opo akale ohamba yo Isilayeli,+ aveho avakaovola Ndaviti.+ Etyi Ndaviti etyiiva, akatuka opo ekevelwise. 9 Ova Filisitiya aveya, avahimbika okulwisa vokukala Melola lyo* ko Lefaii.+ 10 Ndaviti apulu ku Huku okuti: “Ndyende ndyikalwise ova Filisitiya? Okuti movepakula pomavoko ange?” Siovaa akumbulula Ndaviti okuti: “Enda, ame tyotyili mandyivepakula pomavoko ove.”+ 11 Ndaviti aende ko Mbaale-Pelasi,+ ngako evevangela. Apopi okuti: “Huku yotyotyili, wateya-po onondyale mbange nomavoko ange, ngomeva ena apa aululila.” Otyo pomphangu opo palukilwa okuti Mbaale-Pelasi.* 12 Ova Filisitiya avasi-ko ovika-huku viavo. Etyi Ndaviti atuma okuviyoka, aviyokwa.+

13 Konyima, ova Filisitiya avalwisa vali vokukala melola.*+ 14 Ndaviti apulu vali ku Huku, Huku yotyotyili emupopila okuti: “Wehevelandule. Mahi lisetela konyima yavo, okevelwisila komutwe womimbao.+ 15 Tyina wameivi omihindo vionomphai mbavo kombanda yovinkhondo vionombao, himbika okuvelwisa, mokonda Huku yotyotyili mekukalela komutwe opo wiipae omafwalali ova Filisitiya.”+ 16 Ndaviti alingi umwe ngeetyi Huku yotyotyili emutuma,+ avaipaa omafwalali ova Filisitiya, okuhimbikila ko Simbeau atee ko Sesele.+ 17 Omunkhima wa Ndaviti awiivala movilongo viatyo aviho. Ovanthu vovilongo aviho avakala nowoma nae, mokonda ya Siovaa.+