Eholololo Swau Amona
10 Nkhati vali ñgaa oandyu onkhwavo itunda keulu, oandyu imwe otyitevo, yavala* ekaka, komutwe wayo kuna omphumba,* otyipala uti ekumbi,+ evi ovikalo* uti omukundu-kundu wotupia, 2 peke yakwata ombwingwa onthutu yawingululwa. Omphai yo kokulio aiipake kelunga, ei yo kokumbili aiipake keheke, 3 ayuulula nondaka umwe yakaluluka uti onkhulika ikoma.+ Etyi yaulula, onondaka mbomititimo epandu-vali+ ambupopi.
4 Etyi pahe omititimo epandu-vali viapopia, ame andyihande okuhoneka, mahi andyiivi ondaka itunda keulu+ aiti: “Paka nawa ovipuka ovio viapopiwa nomititimo epandu-vali, mahi wehevihoneke.” 5 Oandyu namona itai yaliatela kelunga no keheke aiyelula okuvoko kwokulio peulu, 6 ayaane aitukaila Ou ukala-kala-ko umwe apeho,+ omutungi weulu novipuka vili-ko, omutungi wohi novipuka vili-mo, omutungi welunga novipuka vili-mo, aiti:+ “Kamapasetwa-le vali. 7 Mahi mononthiki oandyu+ ya pandu-vali maihiki onkhwino yayo,+ otyipuka tyikola tyaholekwa+ etyi Huku apopila avapika vae ovauli,+ etyi ati oviwa ovipe, pahe matyilingwa.”
8 Nkhatehela vali, ondaka iivalela keulu+ ipopia naame, aiti: “Enda, kapole ombwingwa yaikulwa peke lioandyu itai yaliatela kombanda yelunga no keheke.”+ 9 Ame okwenda no koandyu oyo, andyiyiiti imphe ombwingwa onthutu. Oandyu ainthi: “Ipola, ilia-po,+ meimo liove mailulu, mahi momulungu wove maihoholola ngowiki.” 10 Ame okutambula ombwingwa oyo onthutu peke lioandyu, andyiili-po,+ momulungu wange aihoholola ngowiki,+ mahi etyi neilia, meimo amululu. 11 Pahe andyitiwa: “Ove una okuula vali etyi matyilingwa ovanthu, omihoko, nomalaka, nonohamba ononyingi.”