Omukanda wo Tete Ehipululo
24 Evi ovikundyi viomuhoko wa Alau. Ovana va Alau tyati: O Nandambe, o Ambiyuu,+ o Eliyasale na Itamale.+ 2 Nandambe na Ambiyuu ovo vatetekela okunkhia ku he,+ kavasile-po ovana. Mahi Eliyasale+ na Itamale, vatwaileko okuundapa motyilinga tyounakwa. 3 Ndaviti na Sandoke+ watuka mu Eliyasale, na Aimeleke watuka mu Itamale, vayapaulile ovanakwa ovikundyi-ovikundyi, opo vafwisepo ovilinga viavo. 4 Ovana va Eliyasale, vali nonohongoi ononyingi vali ko mbovana va Itamale. Mokonda yotyo, pokuveyapaula, avatalela pu ava veli-po. Ovana va Eliyasale ankho vena onohongoi 16. Ovana va Itamale vali nonohongoi 8.
5 Tupu, pokwayapaulile ovikundyi ovio vivali watalesile,+ mokonda ankho pena ononkhalamutwe mbomphangu ikola, nononkhalamutwe mbokuundapela Huku yotyotyili, tyilinge povana va Eliyasale tyilinge povana va Itamale. 6 Omuhoneki wovana va Levii, Semaiya omona wa Netaneli, wahonekele omanyina ovalume ovo, otyo ohamba itala, kumwe novatumini, nomunakwa Sandoke,+ na Aimeleke+ omona wa Ambiyatale,+ nonohongoi mbovanakwa, no mbovana va Levii. Ankho vakoya ombunga ike ponombunga mba Eliyasale, avakoyo vali ike ponombunga mba Itamale.
7 Watetekelele okukala nelao, o Seoyalimbe, wa vali o Sendaiya, 8 wa tatu o Halii, wa kwana o Seolii, 9 wa tano o Malikiya, wa pandu o Miyamii, 10 wa pandu-vali o Hakosi, wa tyinana o Ambiya,+ 11 wa tyive o Sesuwa, wa 10 o Sekaniya, 12 wa 11 o Eliyasimbe, 12 o Sakii, 13 wa 13 o Hupa, wa 14 o Sesembeyambe, 14 wa 15 o Mbilinga, wa 16 o Imele, 15 wa 17 o Hesile, wa 18 o Hapisesi, 16 wa 19 o Petaiya, wo 20 o Seesikeli, 17 wo 21 o Sakii, wo 22 o Ngamuli, 18 wo 23 o Ndelaiya, wo 24 o Maasiya.
19 Ovio, ankho ovilinga vapewa+ tyina vamanyingila mondywo ya Siovaa, okulandula etyi tyasile-po omukwaukulu wavo Alau, ngeetyi Siovaa Huku yova Isilayeli emutumine.
20 Povana ovakwavo va Levii, tyati: Povana va Anilau,+ o Sumbayeli.+ Povana va Sumbayeli o Sendeiya. 21 Povana va Sendeiya, o Leambiya.+ Povana va Leambiya, o Isiya, onkhalamutwe. 22 Povana va Isale, o Selomote.+ Povana va Selomote, o Saate. 23 Povana va Hemboloo, o Seliya+ onkhalamutwe, wa vali o Amaliya, wa tatu o Saasiyele, wa kwana o Sekameyau. 24 Povana va Usiyeli, o Mika. Povana va Mika, o Samili. 25 Mika ankho velilandula na Isiya. Povana va Isiya, ankho o Sakaliya.
26 Ovana va Melali,+ o Mali na Musi. Povana va Saasiya, ankho pena Mbenu. 27 Pomuhoko wa Melali, ankho pena Mbenu, na Sowau, na Sakule na Imbili ovana va Saasiya. 28 Povana va Mali, o Eliyasale, mahi Eliyasale kakalele novana.+ 29 Povana va Kisi, ankho pena Selameeli. 30 Ovana va Musi, ankho tyati: O Mali, o Endele na Selimote.
Ovo, ankho ovana va Levii momaumbo ovohe. 31 Navo vatalelele komalao,+ ngeetyi ovakulu vavo ovana va Alau, valingilile ponthele Yohamba Ndaviti, na Sandoke, na Aimeleke, nonohongoi mbovanakwa, no mbovana va Levii. Ombunga yononkhalamutwe yalingilwe vala ngombunga yonondenge mbavo.