Susuwee
16 Ofika ovana va Susee+ vapelwe,*+ mokwatalesa, ihimbikila ko Solondau, mo Selikoo, aikakwata komeva oko Selikoo, okutala koutundilo, aikakwata moluhandya lweliviuka no Selikoo aikapita atee konomphunda mbo Mbetele.+ 2 Ofika oyo ihimbikila ko Mbetele, otyilongo tyo Lusi, aikapita atee konondimbu mbova Alikita, mo Atalote. 3 Yenda atee monondimbu mbo kombanda, aikalinga onondimbu no vokwatuka mu Safelete, ayiende atee kofika yo Mbete-Oloo+ yo Kombwelo, no yo Sesele,+ ayeende aikehikila melunga.
4 Ovana va Susee,+ ovo Manasesi na Efalaii, avakala monofika mbavo mwene.+ 5 Ofika yovana va Efalaii omu veliyapaukila mombunga, oyei: Koutundilo, ihimbikila ko Atalote-Andale+ ayiende atee ko Mbete-Oloo+ yo Kombanda, 6 ofika oyo yaoyela melunga. Ofika yo Mikimetate+ yali kombanda. Onondimbu mbotyilongo otyo, mbuhikila ko Taanate-Silo okukaviuka no koutundilo, ambweende atee ko Sanoa. 7 Ambulauka no ko Sanoa ambukakwata ko Atalote, ambukwata ko Naala, ambukatoma mo Selikoo,+ ambukaoyela ko Solondau. 8 Ofika oyo, ihimbikila ko Tapwa,+ aiviuku kombanda, ayiende no Kelola lyo Kana, aihikila melunga.+ Oyo ofika yo vomuhoko wa Efalaii, mombunga yavo. 9 Ovana va Efalaii tupu ankho vena omapunda-umbo avo mofika ya Manasesi,+ omapunda-umbo nonosandyala mbatyo.
10 Mahi ova Kanaa ankho vakala mo Sesele,+ kavevetaatele, ova Kanaa ovo, na hono+ vakala novana va Efalaii. Pahe valinga ovapika vavo.+