Ovakoyesi
17 Kwali omulume umwe ukala kotyilongo tyo nomphunda mbo Efalaii+ utiwa o Mika. 2 Apopila mee yae ati: “Onopalata mbove 1.100 mbuna wavakelwe, oteyela onkhano una wokwembuvaka, ame ndyina-mbo. Ame nembupola-po.” Mee yae emupopila okuti: “Siovaa ekuyambe mona wange.” 3 Akondolela ina onopalata 1.100, ina emupopila okuti: “Otyili mandyisukukisila Siovaa opalata yange. Nahanda ulilingile nayo otyilolo tyahongwa, notyilolo tyotyivela.*+ Pahe ndyikondola opalata ei kwoove.”
4 Etyi emukondolela opalata, ina apolo-po onopalata 200 embwavela onkhulungu. Onkhulungu aihongo otyilolo tyike ainthili vali otyilolo tyotyivela,* avikapakwa mondywo ya Mika. 5 Omulume oo Mika, wondywo yovika-huku. Alingi otyikutu tyounakwa,+ novilolo vyo meumbo,*+ atumu* umwe povana vae akala omunakwa wae.+ 6 Pononthiki opo mo Isilayeli ohamba mutupu.+ Omunthu ulinga vala etyi mwene asoka okuti otyo tyaviuka.*+
7 Ko Mbelei yo Sundaa kwali omukwendye umwe+ wombunga ya Sundaa.* Wali womuhoko wa Levii,+ wakala-ko-ale ehimbwe. 8 Omukwendye oo atundu mepunda-umbo lyo Mbelei ko Sundaa, akaovola omphangu onkhwavo oku makakala. Aende, ehikila meumbo lya Mika+ kotyilongo tyo nomphunda mbo Efalaii. 9 Mika emupulu okuti: “Ove uwapi?” Emukumbulula okuti: “Ndyiwomuhoko wa Levii wo ko Mbelei yo Sundaa, ndyikahi nokwovola omphangu mandyikala.” 10 Mika emupopila okuti: “Tukale atuho okala tate yange,* okala omunakwa wange. Mandyikwavela onopalata 10 menima, nomivalo nokulia.” Omukwendye womuhoko wa Levii anyingila. 11 Ngootyo omukwendye womuhoko wa Levii, etavela okukala nomulume oo, omukwendye akala ngatyina omona wae. 12 Tupu, Mika atumu* womuhoko wa Levii akale omunakwa wae,+ akala meumbo lya Mika. 13 Mika apopi okuti: “Pahe ndyityeete okuti Siovaa mandingi nawa, mokonda womuhoko wa Levii wakala omunakwa wange.”