Ovakoyesi
18 Pononthiki opo ova Isilayeli ankho vetupu ohamba.+ O pononthiki opo vomuhoko wa Ndaa+ vekahi nokwovola omphangu* mavakala, mokonda ankho kavapelwe epingo liapewa vomihoko viova Isilayeli.+
2 Vomuhoko wa Ndaa avatumu ovalume vetano vomombunga yavo, ovalume vafwapo vatunda ko Solaa no ko Esitaole,+ vakalave otyilongo, avatale etyi tyikahi. Avevepopila okuti: “Endei, katalei etyi otyilongo tyikahi.” Etyi vapita avehiki kotyilongo tyonomphunda mbo Efalaii, avalalela meumbo lya Mika.+ 3 Tyina vati kondye yeumbo lya Mika, aveivi ondaka yomukwendye* womuhoko wa Levii aveiimbuka, avaende-ko avemupulu okuti: “Olie wekweta kuno? Oityi ulinga kuno? Omokonda yatyi ukalela vala kuno?” 4 Akumbulula okuti: “O Mika wandinga ñgaa-ñgaa. Wankhonga ndyikale omunakwa wae.”+ 5 Avemupopila okuti: “Mbambavo tupulile-vo ku Huku tutehelele oungendi wetu ine mawende nawa.” 6 Omunakwa evepopila okuti: “Endei nombembwa. Siovaa makala noonwe moungendi wenyi.”
7 Ovalume ovo vetano avaende avehiki ko Laisi.+ Tyina vavasa, ovanthu vakala-ko vena tyavo, vekahi ngova Sindone. Vena ombembwa, natyike tyivelingisa otyiho,+ otyilongo otyo nawike utyilwisa, nawike uvetokotesa omutwe. Vakala kokule nova Sindone, vetupu oupanga nomunthu nawike.
8 Etyi vehika ku vana velilandula navo, ko Solaa no ko Esitaole+ avevepulu okuti: “Tyaenda ñgeni?” 9 Avevekumbulula okuti: “Twendei-ko, tyina otyilongo tyikahi nawa unene. Omokonda yatyi muhumainina? Mwahasetei, twendei tukevepole-tyo. 10 Mamuvasi ovanthu veli vala mombembwa,+ otyilongo tyatyo otyinene. Huku wetyipakula pomavoko enyi, otyilongo tyahakambele natyike.”+
11 Pahe ovalume 600 vomuhoko wa Ndaa vamaneka tyovilwa, avakatuka ko Solaa no ko Esitaole avaende.+ 12 Avaende, avakaonga onthanda popepi no Kiliyate-Seyalii+ ko Sundaa. Otyo omphangu oyo ikala koutakelo wo Kiliyate-Seyalii yalukilwa okuti o Maane-Ndaa*+ okutuka opo atee hono. 13 Okutunda oko avaende no kotyilongo tyonomphunda mbo Efalaii, avehiki meumbo lya Mika.+
14 Pahe ovalume vetano vokweile okulava otyilongo tyo Laisi,+ avapopila vana velilandula navo okuti: “Mutyii okuti momaumbo omu muna otyikutu tyovanakwa, novilolo vyo meumbo,* notyilolo tyahongwa, notyilolo tyotyivela?*+ Sokei etyi mamulingi.” 15 Ngapo vatalama, ovakwendye vetano avaende meumbo liomukwendye womuhoko wa Levii,+ meumbo lya Mika, avapulu oñgeni eli. 16 Ovalume 600 vomuhoko wa Ndaa+ vamaneka tyovilwa avesala kombundi. 17 Ovalume vetano vokwakalavele otyilongo+ avanyingila vakapole otyilolo tyahongwa, notyikutu tyovanakwa,+ novilolo vyo meumbo,*+ notyilolo tyotyivela.*+ (Omunakwa+ uli kombundi novalume 600 vokwamaneka tyovilwa.) 18 Avanyingila mondywo ya Mika, avakapola-mo otyilolo tyahongwa, notyikutu tyovanakwa, novilolo vyo meumbo,* notyilolo tyotyivela.* Omunakwa evepulu okuti: “Oityi etyi mulinga?” 19 Avemupopila okuti: “Uti filuu! Wahapopie vali. Twende atuho okala tate yetu,* okala omunakwa wetu. Kwoove oityi vali tyikahi nawa: Okukala omunakwa weumbo liomunthu wike vala+ ine okukala omunakwa womuhoko auho nombunga yova Isilayeli?”+ 20 Omunakwa atyimuhambukiswa. Apolo otyikutu tyovanakwa, novilolo vyo meumbo,* notyilolo tyahongwa,+ avaende nae.
21 Avatwalako okwenda nondyila yavo, avapake ovana komutwe wavo novipako, novipuka oviwa vatyinda. 22 Avaende-po vala katutu okutunda peumbo lya Mika, ovalume vakala pomaumbo opo aveliongiya, avalandula vomuhoko wa Ndaa avevevasi. 23 Etyi valaveleya vomuhoko wa Ndaa, ngwe avaleuka, avapulu Mika okuti: “Wahanda-tyi? Oityi wakongela ovanthu ava?” 24 Evekumbulula okuti: “Ovika-huku viange nalinga, nomunakwa wange mwatyinda-po. Oityi vali nesala natyo? Nkhele mumphula okuti: ‘Wahanda-tyi?’” 25 Vomuhoko wa Ndaa avemukumbulula okuti: “Wahapopile peulu tyina upopia noonthwe; pano pena ovalume vanumana unene* vapondola okumulwisa, opeselela-po omwenyo wove,* nomwenyo wo* veumbo liove.” 26 Vomuhoko wa Ndaa avatwalako okwenda. Mika, etyi atala vapama vali kwe, akondoka-ko aende no keumbo liae.
27 Etyi vomuhoko wa Ndaa vatyinda-po ovipuka vya Mika, nomunakwa wae, avaende no ko Laisi,+ kovanthu vena ombembwa, vehena otyiho natyike.+ Aveveipaa nomutunga, avapake otupia kepunda-umbo liatyo. 28 Kapali nawike upondola okuyovola epunda-umbo olio, mokonda likala kokule no Sindone, vetupu oupanga novanthu; ankho likala melola lyo* Mbete-Leombe.+ Konyima ova Ndaa avelipindula-po vali, ngamo vakala. 29 Avaluku epunda-umbo olio okuti o Ndaa enyina lya tate yavo Ndaa+ omona wa Isilayeli.+ Mahi enyina lyo tete liepunda-umbo olio o Laisi.+ 30 Konyima vomuhoko wa Ndaa, avelipakela otyilolo+ pomphangu tyina okukala, Sonataa+ omona wa Seleso,+ Seleso omona wa Mwisesi, kumwe novana vae avakala ovanakwa vomuhoko wa Ndaa atee onthiki ovanthu vakala motyilongo vatwalwa koupika. 31 Avapake otyilolo tya Mika tyahongwa pomphangu yatyo, ngapo tyikala ononthiki ambuho ondywo ya Huku yotyotyili yakala ko Silo.+