Omukanda wo Tete Ehipululo
26 Vovikundyi viokuundapa konombundi,+ ankho ovava: Pomuhoko wa Kolaa, ankho o Meselemiya+ omona wa Kolee, umwe povana va Asafe. 2 Ovana va Meselemiya, tyati: O Sakaliya otyiveli, wa vali o Sendiyeli, wa tatu o Sembandiya, wa kwana o Satiniyeli, 3 wa tano o Elau, wa pandu o Seowanaa, wa pandu-vali o Eliyonai. 4 Ovana va Ombende-Endoo, tyati: O Semaiya otyiveli, wa vali o Seosambande, wa tatu o Sowaa, wa kwana o Sakale, wa tano o Netaneli, 5 wa pandu o Amiyeli, wa pandu-vali o Isakale, wa tyinana o Peuletai. Ongootyo Huku ayambele Ombende-Endoo.
6 Omona wae Semaiya, watyitile ovana vali onohongoi, ovalume vafwapo, vokwapama. 7 Ovana va Semaiya, tyati: O Otini, o Lefaeli, o Ombende na Elisambande. Vana elilandula navo Eliyuu na Semakiya, navo ovalume vokwafwapo. 8 Aveho ovo, ankho ovana va Ombende-Endoo. Aveho kumwe novana vavo, ankho ovalume vokwafwapo, vetyivila okuundapa. Vokwahula ku Ombende-Endoo, ankho vena 62. 9 Meselemiya,+ novana vae, na vana elilandula navo, ankho vena 18. Ankho ovalume vokwafwapo. 10 Ovana va Hosa umwe povana va Melali, ankho o Sinili, onkhalamutwe (namphila ankho ha-tyiveli-ko, mahi tate yae wemwaavelele otyilinga tyounkhalamutwe), 11 wa vali o Hilikiya, wa tatu o Tembaliya, wa kwana o Sakaliya. Ovana aveho va Hosa, kumwe na vana elilanduala navo, ankho vena 13.
12 Ononkhalamutwe mbovikundyi viokuundapa konombundi, ankho vena ovilinga mondywo ya Siovaa, ngeetyi ankho tyilinga vana velilandula navo. 13 Pokukoya pomaumbo ovohe omanene nomatutu ovalie mavakala ponombundi, vatalesile.+ 14 Wahulile koutundilo, o Selemiya. Omona wae Sakaliya, omunongo kokupakaila-mo ovanthu, akala nelao liokuhula kombundi yo kokulio. 15 Ombende-Endoo wahulile kombundi yo kokumbili, ovana vae+ avapewa otyilinga tyokuundapa movilimba.* 16 Supii na Hosa+ avahulu koutakelo, ponthele Yombundi Salekete, ili ponthele yetapalo liokulondeka. Ovikundyi viovayungi ankho vielikalela popepi. 17 Koutundilo ankho kukala ovalume epandu vokwatuka mu Levii. Kokulio, no kokumbili, ononthiki ambuho ankho kukala ovalume vekwana. Kovilimba,+ ankho kukala vevali-vevali. 18 Pondywo yo kombundi yokwahula koutakelo, ankho pena ovalume vekwana vakala petapalo,+ ava vevali vakala pondywo opo yo kombundi. 19 Ovio, ankho ovikundyi viokuundapa konombundi, vyo vokwatuka mu Kolaa nomu Melali.
20 Povana va Levii, o Aiya wapelwe otyilinga tyokupaka omalumono ondywo ya Huku yotyotyili, novipuka viokwapakulwa, avikala omalumono akola.*+ 21 Povana va Landaa, vomuhoko wa Seleso vahula ku Landaa, onohongoi mba Landaa watuka mu Seleso, ankho pena Seyeli,+ 22 novana va Seyeli, na Setau, na una elilandula nae Sowele, ankho vapelwe otyilinga tyokupaka omalumono ondywo ya Siovaa.+ 23 Pomuhoko wa Anilau, nowa Isale, nowa Hemboloo, nowa Usiyeli,+ 24 pena Sembwele omona wa Seleso, Seleso omona wa Mwisesi, onkhalamutwe yovilimba. 25 Vana ankho elilandula navo, vomuhoko wa Eliyesele,+ tyati: O Leambiya,+ o Sesaiya, o Solau, o Sikili na Selomote. 26 Selomote na vana elilandula navo, vapelwe otyilinga tyokupaka ovipuka aviho viapakulwa vialinga olumono lukola,+ evi ohamba Ndaviti,+ nonohongoi,+ nononkhalamutwe mbovityita ekwii, no mbotyita, no mbomafwalali, vapakulile, avikala ovipuka vikola. 27 Ovipuka vimwe vapundaile+ tyina vamaende kovilwa,+ veviaava, avilingi ovipuka vikola opo viuundapwe navio mondywo ya Siovaa. 28 Tupu pali ovipuka aviho vikola viaavelwe na Samuwele omutali,+ na Saulu omona wa Kisi, na Ambinele+ omona wa Nele, na Sowambe+ omona wa Seluya.+ Ovipuka aviho omunthu aava, avilingi ovipuka vikola, vipakwa na Selomite, na vana elilandula navo.
29 Pomuhoko wa Isale,+ Kenaniya novana vae, vapelwe ovilinga kondye, ovilinga viokuhongolela, nokukoyesa+ ova Isilayeli.
30 Pomuhoko wa Hemboloo,+ ankho pena Hasambiya na vana elilandula navo, ovalume vokwafwapo, ankho vena 1.700. Ovo, ankho ovo vahongolela ovilinga koutakelo wo Solondau mo Isilayeli, ovilinga aviho vya Siovaa, no viohamba. 31 Pomuhoko wombunga ya Hemboloo, Seliyasi+ ankho oe ohongoi. Menima Ndaviti atuukisa omanima 40 koutumini,+ kwakalele otyilinga tyokwovola ovanthu ko Sasele+ motyilongo tyo Sileyande, akukavasiwa ovalume vamwe vokwapama, vafwapo. 32 Ava elilandula navo, ovalume vokwapama onohongoi, ankho vena 2.700. Ohamba Ndaviti evepe otyilinga tyokuhongolela omuhoko wa Lumbe, nowa Ngande, notyinthimbu tyomuhoko wa Manasesi, movilinga aviho vya Huku yotyotyili, no viohamba.