Okupitulula Osikola Yovilinga Via Huku

Omapulo aa ekahi pombuelo, maakumbululwa putyina matupitulula Osikola Yovilinga via Huku mokueenda kuo simano ihimbika mu 23 ya Hitandyila yo 2009. Omuendesi wosikola malingi onthele ei yokupitulula mono minutu 20 etyi tuamana okulilongesa mokueenda kuo nosimano 5 ya Kupupu alo mu 23 ya Hitandyila yo 2009.

1. Oñgeni Huku ankho apondola okuetako otyitei monthiki yotete, inkha ekumbi, nohanyi vialingwa vala monthiki ya kuana? (Gên. 1:3, 16) [w04 1/1 pefo 28 palagrafu 5]

2. Omokonda yatyi Jeova ahatolelele Noe opo atumine oohi ngetyi ankho atolela Andau? (Gên. 9:1) [it-2 pefo 26 palagrafu 2]

3. Onalupi Omphango ya Abraiau yahimbika? Iya maitualako alo nalupi? (Gên. 12:1-4) [w04 15/1 pefo 26 palagrafu 4; w01 15/8 pefo 17 palagrafu 13]

4. Oityi tyilekesa okuti Nirode novalanduli vae kavetyivilile ‘okulinkhimaneka’? (Gên. 11:4) [w98 15/3 palagrafu 25]

5. Mu 2 Pedro 2:7, Lote waihanua okuti omulume ‘omuviuki,’ omokonda yatyi aavelela ovana vae kovanthu vana ovakalavi? (Gên. 19:8) [w05 1/2 pefo 26 palagrafu 15-16; w04 15/1 pefo 27 palagrafu 3]

6. Inkha Ombimbiliya ipopia okuti ovalume vokuna onthilo na Huku, vena okutekula onombunga mbavo muene, oñgeni Abraiau atuma mehoko Agar na Ismaeli? (Gên. 21:10-21; 1 Tim. 5:8) [w88 15/2 pefo 31]

7. Oityi tupondola okulilongesila kononkhono mba Eliezer mbokulinga ovipuka monkhalelo ya Jeova opo avase omukai pala Isake? (Gên. 24:14, 15, 17-19, 26, 27) [w97 1/1 pefo 31 palagrafu 2]

8. Oityi tyihangununa ondyoi ya Jako, etyi amona onoandyu ‘mbulonda osikata nokutuluka’? (Gên. 28:10-13) [w03 15/10 pefo 29 palagrafu 1; it-1 pefo 831]

9. Omokonda yatyi Rakele ankho esuka unene novinyango omona wa Leia aetele ankho vitiwa mandrágora? (Gên. 30:14, 15) [w04 15/1 pefo 28 palagrafu 7]

10. Omokonda yatyi Jako ongeleka ongwa konthele yokutetulula ovitateka navakuetu? (Gên. 33:3, 4) [g82 22/8 pefo 32 palagrafu 6, 8-10]