Omaiviso

◼ Omikanda pala okuava. Pepo Linene: Oityi Ombimbiliya tyili Ilongesa? Kakwenye na Kwenye Kunene: Oityi Huku Ahanda Kwontwe? Namphila tuava ombruchula oyo movilinga viokuivisa, hinangela okuundapesa omukanda Ombimbiliya Ilongesa pala okuhimbika okulongesa ovanthu Ombimbiliya.

◼ Okukatalelapo Ombetele: Tuna ehambu enene lio kumupopila okuti okupolelela mohanyi ya Kakwenye yo 2009 pahe mupondola okuya okutalelapo Ombetele. Mupondola okuya okupolela motyasikunda 8 ola alo 11 ola, iya kekumbi 13 ola alo 16 ola. Movityasapalo ombetele italeluapo vala komuhuka. Tyina tukatalelapo Ombetele, onkhalelo yetu yokuvala nokulifiwisa, kumue novituwa vietu, ina okukala ngatyina tuenda komaliongiyo Mondyuo Yomaliongiyo. (od 138) Mbambavo, inkha tyina mukatalelapo Ombetele mutuuka 20, muna okutyipopila Ombetele tyina nkhele muheneende.

◼ Kese muivisi una okulinga ononkhono opo ewaneno liave olelatoliu yafuapo. Konthyulilo ya kese hanyi avela liwa olelatoliu yove yovilinga viokuivisa omukulu weuaneno wo grupu. Okuava liwa olelatoliu yove tyilekesa okuti una onthilo novilinga vieongano, nohole novakuatate vokuna otyilinga tyo kutambula nokuhoneka onolelatoliu. Omukulu weuaneno wo grupu una okutala inkha aveho mo grupu vaava onolelatoliu mbavo opo omuhoneki weuaneno atumikise ko Filiyale olelatoliu yafuapo yovilinga viewaneno.