Omaiviso
◼ Omikanda maviawa: Tyikukutu na Kapepo: Omutala Womulavi no Despertai!. Pokutalelapo ovanthu vokuesuka, kumwe no vokueile Kehinangelo ine o komaliongiyo omakuavo, mahi kaveliongiya apeho newaneno, ovola okuhimbika okulilongesa navo nomukanda Ombimbiliya Ilongesa. Pepo Linene: Oityi Ombimbiliya Tyili Ilongesa?. Inkha omunthu enale omukanda oo, ine ketavela okulilongesa Ombimbiliya, ovaivisi vapondola okumupa Omutala Womulavi omukulu ine ombrochula apanda.
◼Tyina kuamakambela osimano ike pala otyonge, mupondola okupilulula o programa yomaliongiyo opo mupitulule onondonga no mahinangeleso otyonge tyononthiki ononthatu. Tyina pamalambe ohanyi ike ine onombali konyima yotyonge, mupondola okuundapesa omuvo wonthele “etyi tyesukisa mewaneno,” pala okupitulula ononthele mbotyonge ovaivisi vatala okuti mambuvekuatesako movilinga viokuivisa.
◼Tyina omunthu umwe ahanda okuenda kotyilongo otyikuavo nokukatala otyonge, upondola okuovola mo Web site jw.org ovionge vio kotyilongo oko, okumanga pana pahonekwa “Consultas” no po “Congressos”.
◼Omawaneno novanthu vahanda okutelefonalela ko Mbetele onombalulo pahe ombombu: 222460192 no 222460198.
◼Omawaneno ena o conta mo site jw.org ena okutuma liwa-liwa ombalulo yovanthu mavakala pehinangelo. Omakuavo apondola okutume ombalulo oyo mo formulaliu S-7. Omawaneno ehekahi mo Luanda vatelefonalele ko Mbetele opo vatume ombalulo oyo (otyiwa okutyilinga mo noola o Betel ikahi nokuundapa).