Omalekeso Ehepuiya

Pala Okuhimbika Okulongesa Ovanthu Ombimbiliya mo Tyasapalo Tyotete mu Hitandyila

“Ovanthu ovanyingi vaimbuka okuti Eliapu olio likahi nokueta ovivi mouye. Mahi velipula okuti: ‘Opi Eliapu liatunda? Okuti liatungwa na Huku?’ Oityi ove usoka? [Yeka omunthu akumbulule.] Tala etyi tyapopia apa.” Mulekesa Omutala Womulavi 1 wa Hitandyila omulekesa onthele ikahi kefo liokuahulilila, amulilongesa opalagrafu yotete no notestu mbukahipo. Muavela Omutala Womulavi no Despertai! omulae onalupi moya okupopia nae konthele yepulo ekuavo.

Omutala Womulavi 1 ya Hitandyila

“Tuhanda okutehelela oityi ove usoka konthele yomunthu umwe wahumbua unene Novakristau, no Judeu nova Musulumanu. Omunthu oo o Moisesi. Otyipuka patyi tete ove usoka tyina weiva enyina olio? [Yeka omunthu akumbulule.] Namphila alingile oviponyo, etyi Ombimbiliya ipopia konthele ya Moisesi tyasukisa unene. [Tanga Deuteronômio 34:10-12.] Omukanda ou upopia ovituwa viae oviwa vitatu noñgeni tupondola okumuhetekela.”

Despertai! de Fevereiro

“Hono ovanthu ovanyingi vekahi nokuilukila kovilongo ovikuavo okukaovola onkhalelo ongwa yomuenyo. Ove usoka okuti apeho vavasa etyi vaovola? [Yeka omunthu akumbulule.] Okuilukila kovilongo ovikuavo hatyipeko. Tala ongeleka ei yapopiwa unene momukanda wotete Wombimbiliya. [Tanga Gênesis 46:5, 6.] Omukanda ou upopia konthele yomapulo oo.” Lekesa omunthu omapulo ekahi konthyulilo yonthele yotete.