Tehelela Huku​—Oñgeni Yuundapeswa?

Ombulusula Tehelela Huku yalingwa pala okulongesa otyili tyo Mbimbiliya nomalutalatu ovanthu vehetyivili okutanga. Omafo atyo aeho apakwa omalutalatu apongiyua nawa, ena omunthinda ulekesa oñgeni omalutalatu elilandula.

Ombulusula Tehelela Huku opo Ukale Nomuenyo Wahapu ina omalutalatu elifwa no ombulusula Tehelela Huku, mahi oyo ina vali ono testu ononyingi iya ipondola okuundapeswa pala okulongesa ovalongwa vatanga vala katutu. Ovaivisi pamwe vetyihole tyokuundapesa ombulusula Tehelela Huku opo Ukale Nomuenyo Wahapu mahi omulongwa otyo ena yokuati Tehelela Huku. Pomafo omanyingi pena oukasa umwe una vali onondaka mbumwe mbupondola okulilongeswa, mahi tyitei kuetyi omulongwa evila.

Ove muene upondola okuava ei uhanda po nombulusula ombo, alo umwe mohanyi muhekahi nokumbuava. Tyina ulongesa omulongwa Wombimbiliya, longesa nomalutalatu opo uhangunune etyi Ombimbiliya ipopia. Linga omapulo opo omulongwa nae asoke iya otale inkha ukahi nokutyinoñgonoka. Tanga, ohangununa ono testu mbukahi pombuelo ya kese efo. Tyina ombulusula yamapu, omulongwa una okulongeswa momukanda Oityi Ombimbiliya Tyilityili Ilongesa? ine Oityi Ombimbiliya Itulongesa? opo tyikuatesako omulongwa wove okukula iya ambatisalwa.