OMUENYO WETU WOUKRISTAU
Kala Nehambu Movilinga Viokuivisa
Okuti ove uhole okuvasa ovitateka movilinga viokuivisa? Ovanyingi ponthue vakumbulula epulo olio okuti yoo. Omokonda yatyi? Tyafuile omokonda ovanthu kavetavela ine okuyelwe potyilongo tuivisa ine hamwe owoma wokupopia novanthu tuhei. Tyotyili, ovipuka ovio vipondola okutepulula ehambu lietu. Mahi onthue tuna ehambu lio kuumbila Huku, uhanda onthue tumufende nehambu. (Sal. 100:2; 1Tim. 1:11) Omahunga patyi etatu apondola okutukuatesako okuivisa?
Tete, onthue tuivisa onondaka mbekevelelo. Namphila hono ekevelelo likahi nokutepuluka, mahi onthue tupondola okuyulisa omitima viovanthu tyina tuivisa “onondaka onongwa mbukahi nawa”. (Isa. 52:7) Tupu onondaka onongwa Mbouhamba wa Huku mbupondola okutukalesa nehambu. Tyina uhenende movilinga viokuivisa, sokolola kononkhano onongwa Ouhamba wa Huku maueta pano pohi.
Vali, onondaka onongwa tuivisa mbuetela ovanthu ouwa tyilinge mopahitu tyilinge moupanga wavo na Huku. Ovanthu velilongesa okuyeka-po ovituwa ovivi iya avakala nekevelelo liokukakala nomuenyo uhapu. (Isa. 48:17, 18; Rom. 1:16) Onthue tupondola okueleka ovilinga ovio notyilinga tyokuyovola ovanthu. Namphila ovanthu vamwe kavahande okututehelela, mahi onthue tutualako okuovola vana vahanda okuyovoka.—Mat. 10:11-14.
Tatu, tyakolela vali, omokonda ovilinga vietu vinkhimaneka Jeova. Ovilinga vietu viokuivisa Jeova uvipanda. (Isa. 43:10; Heb. 6:10) Ngotyo, utuavela ospilitu sandu opo itukuateseko movilinga ovio. Moluotyo, ita ku Jeova ehambu, mokanda otyinyango tyospilitu sandu. (Gál. 5:22) Nekuateso liae, onthue tupondola okutepulula otyiho iya atuivisa nomutima wakola. (Atos 4:31) Moluotyo, katyesukisile oñgeni ovanthu mavetutambula mo telitoliu yetu, tupondola okuvasa ehambu movilinga viokuivisa.—Eze. 3:3.
Oñgeni ove upondola okulekesa okuti wahambukwa?
TALA O VIDIU YATI KALA NEHAMBU TYINA ULINGA ELILONGESO, NA TYINA USOKOLOLA IYA KONYIMA AMUKUMBULULA OMAPULO MAALANDULA-KO:
Omokonda yatyi tuna okukala notyituwa tyokulilongesa apeho, alo umwe tyina tuundapa unene movilinga viokuivisa kese hanyi?
Omonkhalelo patyi onthue tupondola okuhetekela Malia, me ya Jesus?
Onalupi ove wovola omuvo wokusokolola ko Ndaka ya Huku?
Omokonda yatyi ove uhambukilwa tyina ukahi movilinga viokuivisa?