Okuti Ukahi Nokupola Ouwa Kovihonekwa vya Kese Nthiki?

Okuti ononthiki ambuho utanga Ovihonekwa vya Kese Nthiki? Inkha kuhole okutanga, otyiwa okuhimbika. Ovanthu ovanyingi vatanga Ovihonekwa vya kese nthiki komuhuka. Otyo tyivekuatesako okusoka komalusoke a Huku mokueenda konthiki. (Jos. 1:8; Sal. 119:97) Oñgeni upondola okupola vali esilivilo kokutanga otesitu yonthiki? Tanga okapitulu akeho, omu muapolwa onondaka mbosapi yonthiki. Soka kehipululo limwe lyo Mbimbiliya lielikuata no tesitu oyo. Endela-mo. Ankho tyina ulinga omatokolo woovola okunoñgonoka etyi Ombimbiliya ipopia matyituetela ouwa. — Sal. 119:105.

Mouye auho vokukala mo Mbetele vatanga Ovihonekwa vya Kese Nthiki tyina vamali omphipiu. Momanima ano omalongomona omanyingi apakwa mo JW Broadcasting pana pati OMALIONGIYO NOVIONGE. Onalupi watalele omalongomona ngoo? Pamwe povipuka ovio, ovio umwe tuesukisa. Mongeleka oñgeni ehipululo lya Lote litukuatesako okulinga omatokolo?

TALA OVIDIU YATI MUHAKALEI NOHOLE NOUYE (1 SUAU 2:15), IYA KONYIMA AMUKUMBULULA OMAPULO AA:

• Osapi yovidiu ei yapolwa mo tesitu patyi Yombimbiliya?

• Oityi ehipululo lya Lote litulongesa konthele yokukala nohole nouye novipuka ovikuavo? — Gên. 13:12; 14:12; 19:3, 12, 13, 24-26

• Oñgeni tupondola okulekesa okuti tuhole Siovaa tyipona ouye?