Oityi Tulilongesila Kovakuatate Vakulupa?

Momawaneno etu tuvasamo ovakuatate nonomphange vaumbila-le Siovaa omanima omanyingi. Tupondola okulilongesila kuvo onkhalelo vayumba onthumbi mu Siovaa. Tupondola okuvepula ehipululo lieongano, novitateka valambela, no ñgeni Siovaa evekuatesako okukoleleya movitateka. Tupondola okukonga Mefendelo lietu Liombunga, omukuatate ine omphange wakulupa, opo etupopile onongeleka akala nambo mokueenda kuomuvo ekahi nokuumbila Siovaa.

Ankho ukahi nokuumbila Siovaa omanima omanyingi, popila ovakuendye onongeleka wakala nambo, nekolelo liove, nonkhalelo Siovaa ekukuatesako movitateka. Sako na Suse ankho vapopila onombunga mbavo novakuendye onongeleka mbavo. (Gên. 48:21, 22; 50:24, 25) Siovaa upopila ononkhalamutwe mbonombunga valongese ovana vavo ovipuka alinga. (Deut. 4:9, 10; Sal. 78:4-7) Mononthiki mbetu, ovohe novakuavo vali mewaneno vapondola okupopila ovakuendye ovipuka oviwa vehole okumona meongano lya Siovaa.

TALA OVIDIU YATI OKULIKUATA OKAPANDI NATYINA OVILINGA VIETU VIAILIKWA, IYA KONYIMA AMUKUMBULULA OMAPULO AA:

• Oñgeni Ombetele yoko Australia yakuatesileko ovakuatate momapunda-umbo amwe ankho vailikwa okuivisa?

• Oñgeni ovakuatate vamwe vatuaileko okupameka ekolelo liavo?

• Ovaivisi veñgapi ko Romenia vatundile meongano lya Siovaa, iya oityi tyevekuatesako okukondoka?

• Oñgeni onongeleka ombu mbapameka ekolelo lietu?