Ovipuka Vitatu Una Okulinga Uyumbe Onthumbi mu Siovaa

Daviti waipaele tupu Goliya, otyetyi ayumbile onthumbi mu Siovaa. (1 Sam. 17:45) Siovaa ukuatesako ovaumbili vae aveho. (2 Crô. 16:9) Mahi opo etukuateseko, tuesukisa okumuyumba onthumbi, atuahapamena vala mononkhono mbetu. Mahi matutyilingi ñgeni? Apa pena ovipuka vitatu tupondola okulinga:

• Likuambela. Wehelikuambele vala tyina pahe walinga-le onkhali ku Huku. Likuambela ku Siovaa ekukuateseko wahalinge otyipuka otyivi, matyimunumanesa. (Mat. 6:12, 13) Tyina wamati pokulinga otyipuka tyimwe, wehetyilinge tete pahe haa oiti Siovaa ekukuateseko muetyi wasoka okulinga. Wahalinge ngotyo! Tete likuambela ku Siovaa ekukuateseko okusoka nawa ku etyi wahanda okulinga. — Tia. 1:5.

• Lilongesa. Tanga Ombimbiliya ononthiki ambuho. (Sal. 1:2) Tyina wamatange, soka nawa ku etyi watanga, oendela muetyi welilongesa. (Tia. 1:23-25) Tyina uti pokukaivisa, fuika umwe nawa etyi mokalongesa, ohasoko vala okuti motyivili mokonda wehimbikila-le kohale. Lilongesa etyi matyililongeswa meliongiyo opo haa wahavombe.

• Tavela etyi eongano lya Siovaa lipopia. Apeho ovola okunoñgonoka ovipuka ovipe viapopiwa neongano, olingi umwe etyi tyapopiwa. (Núm. 9:17) Ine ovakulu vewaneno vapopia tyimwe, oo hamwe veya okukupakela-mo, tavela. — Heb. 13:17.

TALA OVIDIU YATI: TUAHATILEI OWOMA AVA VETUYELE. PAHE OKUMBULULA OMAPULO AA:

• Vakuetu ava tuamona movidiu, ankho vena owoma natyi?

• Oityi valingile vahatile vali owoma?