B1
Etyi Ombimbiliya Ipopia
Siovaa Huku oe o hekulu yokutumina. Okutumina kwae oko kukahi vali nawa. Etyi ahandela ohi neetyi ahandela ovanthu matyifwiswapo.
Konyima yenima 4026 P.K.E. “Onyoka” yatomba Siovaa hekulu youtumini, neetyi atumina yetyitomba. Siovaa wapanga okupindula-po “ombuto,” maikaniangula onyoka, Satanasi. (Ehimbikilo 3:1-5, 15, okatoi) Mahi, Siovaa wayeka nkhele pakale omuvo otyo ovanthu velitumina aveke tyihongilinywa nonyoka. |
1943 P.K.E. Siovaa watolela Ambalayau okuti “ombuto” maikatunda mombunga yae. — Ehimbikilo 22:18. |
Konyima yenima 1070 P.K.E. Siovaa apopila Ohamba Ndaviti nomona wae Salomau okuti “ombuto” maikatunda mombunga yae. — 2 Samuwele 7:12, 16; 1 Onohamba 9:3-5; Isaiya 9:6, 7. |
29 K.E. Siovaa wahololola Sesusi okuti oe “ombuto” yapopilwe makapinga kotyipundi tyouhamba wa Ndaviti. — Ova Ngalasiya 3:16; Luka 1:31-33; 3:21, 22. |
33 P.K. Onyoka Satanasi yanumata “ombuto,” pweetyi Sesusi aipawa. Siovaa apindula-po Sesusi emupe omwenyo wo keulu, etavela otyilikutila tyomwenyo wae. Otyo tyapa omphitilo ovana va Andau velivele ononkhali, vakamone vali omwenyo wahapu. — Ehimbikilo 3:15; Ovilinga 2:32-36; 1 Ova Kolindu 15:21, 22. |
Mo 1914, okuya na kuno Sesusi watahula-ko onyoka Satanasi keulu eitahulila pohi, malikala-po okamuvo kehehi.— Eholololo 12:7-9, 12. |
Komutwe wandyila Sesusi ukuta Satanasi emupake mokaleya omanima 1.000, haa emuyimi-ko tyilekesa okumuniangula omutwe. Siovaa pahe alingi etyi ahandelele ohi novanthu, enyina liae alisukuka, outumini wae pahe ngao uviala. — Eholololo 20:1-3, 10; 21:3, 4. |