Watchtower OMBIMBILIYOTEKA
Omutala Womulavi
OMBIMBILIYOTEKA ONLNE
Nyaneka
  • OMBIMBILIYA
  • OMIKANDA
  • OMALIONGIYO
  • w08 11/1 pp. 3-4
  • Olie Upondola Okunoñgonoka Etyi Tyikahi Komutue?

Naike ovindiu iyeemba ku otyo

Tala mukwe pena etyi tyahaendele movindiu

  • Olie Upondola Okunoñgonoka Etyi Tyikahi Komutue?
  • Omutala Womulavi Wivisa Ouhamba Wa Jeova—2008
  • Tyelifwa
  • Okuti Kuna ou Utyivila Okutala Komutwe?
    Omutala Womulavi Wivisa Ouhamba Wa Jeova—2014
  • Omaulo Konthele ya Mesiya
    Omutala Womulavi Wivisa Ouhamba Wa Jeova—2008
  • Omapulo Ovatangi
    Omutala Womulavi Wivisa Ouhamba Wa Jeova (Wokulilongesua)—2024
  • Ombimbiliya—Omukanda wa Huku
    Oityi Ombimbiliya Tyilityili Ilongesa?
Omutala Womulavi Wivisa Ouhamba Wa Jeova—2008
w08 11/1 pp. 3-4

Olie Upondola Okunoñgonoka Etyi Tyikahi Komutue?

“Ame, ame Huku . . . , Una upopia onthyulilo tunde konthyimbi, ulekesa tunde kohale ovipuka nkhele vihenelingwe.”—Isaías 46:9, 10.

MOMIVO evi vipilauluka vio pulitika, no nombongo, ovanongo mouye velilongesa etyi tyikahi nokupita, neyembelo liovanthu hono, opo vapopie etyi matyikeya komutue. Ovakuavo vaya kovitapi okukaovola okuiwa etyi matyikapita navo komutue. Iya ovipuka ovanthu ovo vapopilwa, vivesoyesa. Okuti katyivilwa okunoñgonoka etyi matyikapita nouye uno, nombunga yetu, nonthue muene? Okuti kuna umue tyili omunthu upondola okunoñgonoka etyi matyikeya?

Jeova Huku Wepondolo aliho, monondaka mbae apopilile omuuli Isaia, mbukahi pombanda, walekesa okuti una epondolo liokuula etyi matyiya komutue. Huku watumine Isaia aule eyovo lio va Isilayeli mo Mbambilonia, opo vakondoke kotyilongo tyavo vakapindulepo o Jelusalei nondyuo ya Huku. Okuti eulo olio liafuisilwepo? Puetyi ankho kuakamba omanima 200, Isaia wapopia okuti makafinda Ombambilonia o Siru. Tupu, Isaia walekesile nawa okuti Siru makayapula omeva Enyana Eufrate, ankho liamena epundaumbo. Isaia waula alo umue okuti Siru makavasa omapito ombundi onene yepundaumbo aikuka. Otyo tyavatela Siru okufinda monkhalelo yehepuiyile.—Isaías 44:24–45:7.

Omunthu okumueleka na Huku, utupu epondolo liokutala etyi tyikahi komutue. Ohamba Salomau wahoneka okuti: “Uhelimphande nonthiki yamuhuka, mokonda kutyii etyi onthiki yamuhuka mayetelela.” (Provérbios 27:1) Onondaka ombo no hono ombo tyotyili. Naumue omunthu upondola okumona etyi matyiya okupita nae. Huku welikalela omokonda yatyi? Oe wii nawa ovipuka atunga, nonkhalelo yovanthu neyembelo liavo. Putyina ahanda, Huku upondola okumona oñgeni elongo aliho novanthu mavakalinga. Tupu, una epondolo lihaelekwa liokutala etyi matyetwa novipuka mavimoneka. Tyina atuma ovauli vae okuula otyipuka matyikamoneka, Oe ‘ufuisapo ondaka yomuumbili wae, Oe ufuisapo omalondolo ovatumwa vae.’ (Isaías 44:26) Jeova Huku oe vala upondola okupopia onondaka ombo.

Isaia waliko etyi ankho kuakamba omanima 700 opo Mesiya, Jesus atyitwe. Isaia waulile konthele yokuya kua Mesiya. Mahi, etyi palamba omanima 1.800, vokuyele Ombimbiliya vahimbika okupopia okuti omukanda wa Isaia kaupopi otyili. Ankho vati omaulo a Isaia kaaulilwe, ahonekwa konyima etyi aviho viamoneka. Omuhoneki wahipulula vala omu tyaendela. Okuti otyo otyili? Menima 1947 vavasa ononthele mbumue mbomukanda wa Isaia kumue nomikuavo vali vio kohale, meleva popepi nelunga litiwa Mar Morto. Ovanongo vaimbuka okuti ononthele ombo mbahonekwa puetyi ankho kuakamba omanima alamba po 100 pala okutyitwa kua Mesiya, ine o Kristu. Tyotyili, Ombimbiliya ihololola etyi matyiya komutue!

Isaia novahoneki ovakuavo vo Mbimbiliya, kavaulile ovipuka mavikeya komutue kounongo wavo muene. Anthi, “vahoneka onondaka mba Huku nombatelo yo nonkhono mbae.” (2 Pedro 1:21) Mononthele mambulandulako, matukatala ovipuka vimue Isaia aulile konthele yomuenyo wa Jesus. Konyima atukatala ovipuka Jesus novalongwa vae vaula pala ononthiki mbetu, no mbo komutue.

    Nyaneka Publications (1998-2026)
    Lupukamo
    Nyingila
    • Nyaneka
    • Tuma
    • Likoyela
    • Copyright © 2025 Watch Tower Bible and Tract Society of Pennsylvania
    • Etyi Tyilingwa Pokunyingilamo
    • Etyi Munyingilwa
    • Etyi Tyilingwa Pokunyingilamo
    • JW.ORG
    • Nyingila
    Okutuma