Omapulo Ombimbiliya Akumbululwa
Okuti omuenyo ou tuna oo vala?
Okuti kuove ovikando vimwe omuenyo ukahi ngatyina omusupi unene?
Okuti nthinki imwe welipupile-ale inkha omuenyo wetu uhulila vala mokunyana, nokuundapa, nokunepa ine okunepwa, atukala nombunga, iya atukulupa? Ine utualako vali? (Jó 14:1, 2) Ombimbiliya ilekesa okuti alo umwe ovanthu ovanongo, vehole okulinga epulo ngo olio.—Tanga Eclesiastes 2:11.
Okuti ovanthu vena etyi vatungilwa? Tete, tuna okulipula okuti: Oñgeni omuenyo wahimbika? Etyi vanoñgonoka onkhalelo owongo wetu nolutu luetu viatungwa, ovanthu ovanyingi vaimbuka okuti, kuna Omutungi omunongo wevitunga. (Tanga Salmo 139:14.) Inkha ongotyo, Omutungi oo una etyi etutungila! Okunoñgonoka oityi etutungila, matumono vali nawa esilivilo liomuenyo wetu.
Oityi ovanthu vatungilwa?
Huku waavelele ononkhaneno onongwa, ovanthu votete vevali, notyilinga otyiwa unene. Ankho wahandele vayulise ohi ovanthu, nokuundapa ohi aiho aikala omphangu yombembwa, iya avakala nomuenyo apeho.—Tanga Gênesis 1:28, 31.
Etyi Huku ahandelele ovanthu, tyatalama puetyi vatyitukila-po outumini wae. Mahi Huku ketuyekele-po, tupu kapilululile ehando liae konthele yetu no yohi. Ombimbiliya itupopila nonthumbi okuti Huku, ukahi nokuundapa opo ayovole ovanthu vekolelo, nokuti etyi ahandelele ohi matyifuiswapo! Molutoyo, Huku uhanda tukamone omuenyo etuhandelele! (Tanga Salmo 37:29.) Lilongesa mo Mbimbiliya oñgeni mopolo ouwa kuetyi Huku alaa okulinga.