Lipongiya Nawa Pala Ehinangelo Liononkhia Mba Tatekulu
Ovalanduli va Kristu vena ehambu enene liokulipongiya nawa pala onthiki yokuhinangela ononkhia mba Jesus Kristu! (Luc. 22:19) Oityi tuna okulinga opo tulipongiye nawa pala Ehinangelo?
◼ Oola Nomphangu: Aveho vena okunoñgonoka nawa o ola nomphangu apa mamukalingila Ehinangelo. Inkha Mondyuo ike vala Yomaliongiyo mamuliongiyila omawaneno omanyingi, omawaneno oo esukisa okulionganeka nawa opo ovanthu vehelikunyaune pokunyingila nopokulupuka. Tupu inkha pena omatukutuku tyesukisa okutaindya apa maatalama opo ahatyike mondyila.
◼ Okamukanda Kokukonga: Okuti ovaivisi aveho venale okamukanda kokukonga, nokuanoñgonoka nawa etyi tyapopiwa mo? Okuti wapongiyale nawa etyi mokapopia pokuava okamukanda oko kokukonga? Olie mokongo? Tyesukisa okulinga ononkhono pala okuava omikanda aviho viokukonga.
◼ Pala Okuenda Kehinangelo: Vana tuakonga, novakuatate, no nomphange vahanda okuenda kehinangelo mahi vakala kokule, moluotyo, pamue vesukisa ombatelo yetukutuku pala okukevepola, ine ombatelo onkhuavo. Oityi mupondola okulinga pala okuvevatela opo veye Kehinangelo?
◼ Ombolo Novinyu: Hinangelei okuti ombolo novinyu kavipondola okulambeswa tyina ekumbi liehenenyingile. Inkha pena ovakuatate ovalembulwa vavela veheile kehinangelo, tyesukisa okuvetuaila ombolo oyo novinyu. Tyesukisa okutaindya ombolo yahapakelue onkhiso novinyu tindu, ikahi nawa pala onthiki oyo.—Tala o Sentinela 15 ya Fevereiro yo 2003 pefo 14-15 palagrafu 14, 17.
◼ Ondyuo Yomaliongiyo: Ondyuo Yomaliongiyo ina okukohokeswa nawa. Omalonga, no nokopo, no mesa novinyanga ovingonga viokuyala komesa, viesukisa okutualwa mondyuo yomaliongiyo tyina oola nkhele yehenehikepo. Inkha eliongiyo olio kamalilingilwa Mondyuo Yomaliongiyo, mahi malikalingilwa pomphangu onkhuavo, tyesukisa okutaindya onomakina mbokupopila mbukahi nawa opo ovanthu aveho vatehelele nawa etyi tyikahi nokupopiwa. Ovakuatate vokulekesa ovanthu kovipundi na vana mavapitisa ombolo novinyu, vesukisa okuholovonwa tyina onthiki oyo yeheneyike, avapopilwa ovipi ovilinga viavo noñgeni mavevilingi, nokuvepopila okuti vesukisa okuvala ovikutu vikahi nawa, nokuasukuka.
Kese umue puonthue kumue newaneno, tuhanda okulipongiya nawa pala onthiki oyo yakolela Yokuhinagela Ononkhia Mba Jesus Kristu. Tyotyili, Jeova maavela ononkhano onongwa aveho vapandula nomutima auho ovipuka aviho Jeova aavela ovanthu menyina liotyilikutila tyo Mona wae onthyolwa, Jesus Kristu.