Oityi Matupopi Konthele Yomutala Womulavi no Despertai!
Omutala Womulavi 1 ya Kakwenye
“Oityi ove usoka, okuti tupondola okukala nombembwa momuvo uno wovitateka? [Yeka omunthu akumbulule.] Tala etyi Ombimbiliya ipopia mu Filipenses 4:6, 7. [Tanga.] Omutala ou Womulavi uhangununa oñgeni tupondola okukala nombemwa Huku aavela.” Lekesa apa pahimbika onthele oyo. (Ukahi moputu.)
Despertai! ya Julho
“Ovanyingi puonthue tupandula unene etyi ovotate yetu vetulongesa. Oityi ove usoka, okuti okutala nawa etyi tualongeswa monongeleya tunde pouna, tyilekesa okuti utupu onthilo? [Yeka omunthu akumbulule. Iya otange 1 João 4:1.] O Despertai! ei ilekesa inkha tyapenga okutunda mongeleya yetu atuende monkhuavo.” Lekesa apa pahimbika onthele oyo.
Omutala Womulavi 1 ya Kwenye Kunene
“Vamue vapopia okuti onongeleya ambuho onondyila mbelikalela mbutuala ku Huku. Oityi ove usoka, okuti onongeleya ambuho onongwa? [Yeka omunthu akumbulule. Iya otange Mateus 7:13, 14.] Omutala ou Womulavi ulekesa ovipuka vitatu Ombimbiliya ipopia vilingwa nongeleya yotyotyili.” (Ukahi moputu)
Despertai! ya Agosto
“Atuho onthue tuapitale mokapungulula. Ove utyii oityi Huku asoka konthele yokapungulula? [Yeka omunthu akumbulule. Iya otange Atos 10:34, 35.] Ombimbiliya ipondola okutukuatesako okutala oityi tupondola okulinga tyina tupita mokapungulula. Tupu itukuatesako okuyekapo okapungulula inkha tunako momutima wetu. O Despertai! ei ityihangununa.”