Onongeleka
◼ Austrália: John, omulume umwe watanga unene mosikola, ankho wenda kongeleya puetyi omututu, etyi ekula ayekepo okutavela okuti kuna Huku. Omukokoli-ndyila umwe emuavela ombrochula A Vida — Teve um Criador? monthiki onkhuavo etyi ekemutalelapo emusila ombrochula yati, A Origem da Vida. Omukokoli-ndyila atualako okumutuaila Omutala Womulavi no Despertai!, otyo vatomphola ononthele mbupopia ovipuka Huku atunga nomaulo amwe Ombimbiliya. Etyi atala okuti John pahe wasuka, emuavela omukanda A Bíblia — Palavra de Deus ou de Homem? Etyi John eutanga, elipopi okuti ndyina “omutima watena.” Konyima Omukokoli-ndyila emuavela omukanda Ombimbiliya Ilongesa, emulekesa okapitulu 8 pefo 20 pono palagrafu 13-16 no pomafo 23-24. John ahuvu unene no notestu mbukahi pono palagrafu ombo, moluotyo apopi okuti, “Ngoti ndyina okutala vali nawa Ombimbiliya.”
◼ México: Omulume umwe wapopila omuivisi okuti ketavela okuti Ombimbiliya omukanda wa Huku. Omuivisi eliave opo emulekese ovipuka vilekesa okuti Ombimbiliya omukanda wa Huku. Etyi vatomphola ononthiki mbumwe omulume oo ahimbika okutavela etyi Ombimbiliya ipopia. Tyemuavela ondundo, okulilongesa konthele yovitumino via Huku. Omulume oo apopila omuivisi okuti: “Ponthyimbi etyi tuatanga noove Ombimbiliya, ankho ikahi vala ngomikanda omikuavo, ankho kainthyiki komutima. Mahi, pehepano tyina ndyiitanga, haunene onondonga konthele yovituwa, inthyika komutima.”
◼ Estados Unidos: Putyina ankho vekahi nokuivisa mepundaumbo enene, ovalinepi vamwe vavasa omukai umwe woko Taiwan, ankho utavela okuti kuna Huku, mahi ankho usoka okuti Ombimbiliya yalingilwa ova Amelika. Afuene pomikanda vapaka komutala mokonda ankho usoka okuti utupu esilivilo namphila ena omalumono. Ankho una onthumbi yokuti Ombimbiliya ipondola okumukuatesako okukala nomuenyo una ekevelelo. Ovalinepi avahimbika okumulongesa Ombimbiliya nomukanda Ombimbiliya Ilongesa, kumwe nombrochula yokuati Como Ter Verdadeira Paz e Felicidade. Avehelilongesa okapitulu 2 komukanda, mahi avelilongesa konthele yombrochula yokuati “Um guia para beneficiar toda a humanidade.” Etyi velilongesa mombrochula ono palagrafu epandu mbotete monthele oyo, omukai apopi nokuahuva okuti Ombimbiliya yelikalela nomikanda omikuavo vionongeleya. Etyi velilongesa omaulo Ombimbiliya afuiswapo, omukai oo apopi okuti: “Petupu vali omukanda omukuavo ndyisoka okuti upopia otyili tyipona Ombimbiliya!”
◼ Japão: Namphila omuivisi umwe apopia nomulume umwe wehetavela okuti kuna Huku, omuivisi watualako okutomphola nae ononthele mbo Despertai! mbokuati “Teve um Projeto?” Mokueenda kuomuwo, omulume oo apilulula omalusoke ae ahimbika okutavela okuti kuna Omutungi wovipuka aviho. Pahe utavela okuti kuna Huku, iya omuivisi ukahi nokulilongesa nae ombrochula Onondaka Onongwa mba Huku!
◼ Canadá: Omphange umwe, waavelele omukanda omukai umwe ankho utunda pondyuo wenda no petukutuku liae. Etyi omphange akondoka vali, omukai emupopila okuti kahande okulongeswa, tupu ketavela okuti kuna Huku. Omphange kayelepo okumutalelapo emutuaila ombrochula yokuati, Como Ter uma Vida Satisfatória. Etyi omphange avasa omukai oo peumbo liae, emupopila okuti ndyityii okuti kutavela ku Huku, mahi ankho ndyikahi nokukusoka mokonda ndyityii okuti una ovana mahi kuanepelwe. Omphange emulekesa o palagrafu 6 pefo 4 liombrochula, pavasiwa onondonga onongwa. Tupu, emuavela ondundo opo atange elongeso 2 lipopia konthele yokutekula ovana. Omukai oo ahambukwa unene etyi atambula ombrochula.