Ovideo Omphe Pala Okuhimbika Okulongesa Ombimbiliya
Ovideo imwe ihasete ina osapi yati: “Oityi Wesukisila Okulilongesa Ombimbiliya”? mo jw.org. ikahi nokukuatesako ovanthu ovanyingi. Ovideo oyo yalingwa pala okulunda ovanthu opo vetavele okulongeswa Ombimbiliya otyali. Ipondola okupoluamo okumanga pana pati “okuita opo ulongeswe Ombimbiliya” oende penyingilikilo lialekeswa konyima yono tratadu mbetu ambuho. Ei onkhalelo imwe tupondola okuundapesa nawa o novideo.
Tyina ukatalelapo omunthu wesuka notyili, popia okuti: “Ndyipondola okukulekesa ovideo imwe ihangununa oñgeni tupondola okuvasa omakumbululo omapulo Ombimbiliya?” Inkha wetavela, mulekesa yo motelefone yove ine omo kombutador yae muene.
Inkha tutyinda onotratadu mbetu onomphe kese apa tuenda ine tukahi nokuava oumbangi mounyingi, tupondola okulekesa ovanthu enyingilikilo likahi konthyulilo nokuveavela ondundo opo veipolemo no notelefone mbavo. Mokonda omalaka omanyingi ekahi mo site, tyitavela okunyingilamo okupolamo ovideo melaka liovo aveilekesa mo no telefone mbavo ine okombutador.
Popila vana muundapa navo, na vana mulongeswa navo, nombunga novakuavo vali konthele yovideo, nokuvelekesa yo. Ine ipaka mo e-mail yavo, nokuveita veitale.
Mokuundapesa nawa otyiti otyo, matyitukuatesako okuhimbika okulongesa ovanthu Ombimbiliya, nokukuatesako vana “vahanda omuenyo wahapu.”—Atos 13:48.