Omalekeso Ehepuiya

Okuhimbika Okulongesa Ovanthu Ombimbiliya mo Tyasapalo Tyotete mu Kapepo

“Tueya okukutalelapo opo tupopie konthele yepulo limwe linguanguanesa. [Mulekesa epulo liotete likahi konyima Yomutala Womulavi wa 1 ya Kapepo.] Oityi ove usoka?” Yeka omunthu akumbulule. Amutange amuho onondaka mbukahi pombuelo yepulo liotete notestu yahulililako. Muavela Omutala Womulavi no Despertai! omulae onalupi moya okupopia nae konthele yepulo ekuavo.

Omutala Womulavi 1 ya Kapepo

“Tueya okukutalelapo mokonda ovanthu ovanyingi vahanda okunoñgonoka etyi matyikamoneka komutwe. Tyina ove usoka komutwe oñgeni ulitehelela? Okuti una onthumbi ine una otyiho? [Yeka omunthu akumbulule. Tangei otestu ike pokakasa “Huku Uhololola Etyi Matyikamoneka Komutwe.”] Omukanda ou upopia ovipuka vimwe Huku apopia okuti mavikamoneka nomokonda yatyi tupondola okukala nonthumbi yokuti mavikamoneka.”

Despertai! Maio

“Tukahi nokutalelapo ovanthu opo tuvekuateseko okutala oñgeni vapondola okulinga tyina vavasa ovitateka vivetokotesa omutwe. Mokusoka kuove okuti ovanthu vena vali ovitateka ovio hono tyipona kohale? [Yeka omunthu akumbulule.] Ovanyingi vatevela okuti omalondolo Ombimbiliya akuatesako okutetulula ovitateka vitokotesa omutwe. Tala ongeleka imwe. [Tanga Mateus 6:34.] Omukanda ou uhangununa oñgeni omalondolo Ombimbiliya etukuatesako kovipuka vikuana vihole okutokotesa ovanthu omutwe.”

Tala: Omukanda ou haunene mavesuku nao ovokulinga ovitanda.