Okuyawisa Ounongo Wetu Wokuivisa—Mokufuiika Onondaka Mokuhimbika Etompho
Tyakolela Omokonda Yatyi: Inkha katuhimbika etompho nonondaka omunthu esuka nambo, upondola okututyika atuheneave oumbangi. Ngotyo, ovaivisi vamwe vatala onondaka mbavo mbokuhimbika etompho mbakolela unene. Namphila Movilinga Vietu Viouhamba no momukanda Raciocínios muya omalekeso oñgeni matuivisa, hapeho muya onondaka mbutuuka pala okuhimbika etompho, monkhalelo yapepuka yokupopia novanthu. Alo umwe inkha muna onondaka mbokuhimbika, omuivisi upondola okumbupilulula apopi monondaka mbae muene. Ngotyo, matuivisa nawa inkha tufuiika nawa onondaka mbokuhimbika etompho, atuhapopi vala etyi tyeya momutwe wetu tyina tuavasa omunthu.—Pro. 15:28.
Tyilinga Mokueenda Kuohanyi:
Taindya omuwo mefendelo lienyi liombunga opo muholovone onondaka mbaviuka pala okuhimbika etompho.
Tyina mukahi movilinga viokuivisa, otyiwa mulipakelemo nomuivisi mukuenyi etyi mamupopi. (Pro. 27:17) Pilulula liwa onondaka mbove inkha ovanthu kavembupande.