Otyiti Otyipe Pala Okuovolola

Ovaivisi ovanyingi mouye vekahi nokuundapesa nawa omukanda Índice das Publicações da Torre de Vigia pala okuovolola. Mahi, mokonda yovipuka ovinyingi vikahimo, omukanda oo ukahi momalaka ehehi. Ngotyo, Omukanda Wokuovolola wo Nombangi mba Jeova ukahi nokulingwa momalaka 170. Omikanda vialingwa menima 2000 okuya na kuno, ovio viapopiwa momukanda Wokuovolola. Momalaka okuna o Indice wakutikinyua vala mo Watchtower Library (Biblioteca da Torre de Vigia) mo CD-ROM nomo Internete. Omukanda Wokuovolola maukukuatesako okuovolola omakumbululo omapulo Ombimbiliya, nokuovola etyi tyikusukalalesa, nokupongiya omaliongiyo nefendelo liombunga.