Okuyawisa Ounongo Wetu Wokuivisa—Okuhimbika Okulongesa Omunthu Ombimbiliya Meumbo Liae Monthiki yo Tete Nombrochula Onondaka Onongwa Mba Huku!
Tyakolela Mokonda Yatyi: Opo tulinge ovalongwa, tuna okukala ovalongesi Vondaka ya Huku. (Mat. 28:19, 20) Onthue atuho tupondola okulongesa nawa vakuetu otyili, tyina tuundapesa nawa oviti tupewa meongano lia Huku. Ombruchula Onondaka Onongwa Mba Huku! yalingwa pala itukuateseko okulongesa vakuetu otyili. Ngotyo, tupondola okuyundapesa opo tuhimbike okulongesa ovanthu Ombimbiliya onthiki yotete tuemuvasa meumbo liae.
Tyilinga Mokueenda Kuohanyi:
Likuambela opo ukale nehando liokulongesa omunthu Ombimbiliya. Tupu, ita Jeova ekukuatesako okuvasa omunthu na mulilongese nae Ombimbiliya, tupu ita ekukuateseko okutyivila okulongesa otyili.—Fil. 2:13.
Tyina mulinga efendelo lienyi liombunga ine elilongeso lioulike, tupu lilongesei onondaka mamukapopia novanthu. Okulinga ngotyo, mopopi nonthumbi, otyivili okuhimbika okulongesa omunthu Ombimbiliya movilinga viokuivisa.