“Onondaka Ombu . . . Mbuna Okukala Momutima Wove”
Ovohe vekahi ngatyina ovanthita. Vena yokuyunga nawa ovana vavo, mokonda vapondola okuvomba tyihasete iya avatokela movitateka. (Prov. 27:23) Oñgeni ovohe vapondola okufuisapo otyilinga otyo? Vena okutaindya omuvo wokutomphola novana vavo, opo vanoñgonoke etyi vasoka netyi tyikahi momitima viavo. (Pro. 20:5) Tupu, ovohe vena okulongesa ovana vavo opo vapameke ekolelo liovana vavo. (1 Cor. 3:10-15) O vidiu yati: “Onondaka Ombu . . . Mbuna Okukala Momutima Wove,” itulongesa okuti okulinga efendelo liombunga apeho tyesukisa. Italei kumwe nombunga yove, iya konyima amutomphola konthele yomapulo aa:
(1) Oityi tyalingisile ombunga ya Tomasi okuhakala nombili movilinga via Huku? (2) Omokonda yatyi efendelo liombunga ya Tomasi ankho lihaendela nawa? (3) O testu patyi yevekuatesako okulongesa vali nawa ovana vavo? (Deu. 6:6, 7) (4) Oityi tyipondola okukuatesako ombunga opo ikale netompho likahi nawa? (5) Oityi ovana vesukisa ko vohe? (6) Oñgeni Omukuatate Martin Barro Nomukai wae vakuatesileko ombunga yomukuatate Tomasi? (Pro. 27:17) (7) Oityi onkhalamutwe yombunga esukisa okufuiika opo efendelo liombunga liende nawa? (8) Oñgeni Omukuatate Tomasi ahimbika okuonganeka ombunga yae? (9) Omokonda yatyi tyesukisila okulinga apeho efendelo liombunga? (Efé. 6:4) (10) Ovipuka patyi vikahi nawa mupondola okulilongesa mefendelo lienyi liombunga? (11) Oñgeni Omukuatate Tomasi akala tyapoleya, mahi nomutima wakola akuatesako Marku, opo atale okuti tyesukisa okulinga etyi tyaviuka? (Jer. 17:9) (12) Oñgeni Omukuatate Tomasi Nomukai wae vatomphola na Rebeka opo vemukuateseko okulinga etokolo liaviuka konthele youpanga wavo na Justino? (Mar. 12:30; 2 Tim. 2:22) (13) Oñgeni Omukuatate Tomasi Nomukai wae valekesa okuti vayumba onthumbi mu Huku, etyi valinga omapiluluko momuenyo wavo? (Mat. 6:33) (14) Oñgeni o vidiu ei ilekesa okuti tyesukisa onkhalamutwe yombunga ikuatesko ombunga yae opo ikale noupanga omuwa na Huku? (1 Tim. 5:8) (15) Ankho ove unkhalamutue yombunga oityi watokola okulinga?
NKHALAMUTWE YOMBUNGA: O vidiu ei ondalama yalingilwe motyonge tyononthiki ononthatu menima 2011. Okuti una etyi wesukisa okulinga vali nawa mefendelo lienyi liombunga? Molingi ñgeni? Ankho tyesukisa okulinga omapiluluko, mbambavo linga omapiluluko pala ombunga yove ikale nouwa waapeho.—Efé. 5:15-17.