Hetekela Ongeleka Yovauli—Habakuke
1. Oityi tyipondola okutukalesa nga Habakuke?
1 Mokonda ovivi mouye pahe vikahi nokuvilapo, tyipondola okutukalesa nga Habakuke, wapulile Jeova okuti: “Oityi unthalesila ovipuka ovivi? Omokonda yatyi uyekela ononkhumbi mbovanthu mbutualeko?” (Hab. 1:3; 2 Tim. 3:1, 13) Okusokolola kuetyi apopile nekolelo ankho Habakuke ena tyipondola okutukuatesako okukevela o onthiki onene ya Jeova—2 Ped. 3:7.
2. Oñgeni matulekesa okuti tuna ekolelo mononthiki mbuno?
2 Endela Mekolelo: Habakuke kakalele nowoma novitateka ankho apondola okuvasiwa navio pomuvo wae, mahi watuaileko tyipahi, atualako novilinga viae. (Hab. 2:1) Jeova wapopilile omuuli Habakuke okuti Ondaka yae meifuisapo momuvo anaka, tupu apopi okuti “ovaviuka mavaendela mekelelo.” (Hab. 2:2-4) Oñgeni otyo tyipondola okukuatesako Ovakristau hono vekahi momuvo wonthyulilo? Otyipuka tyakolela vali tuna okuñongonoka, hanthiki yonthyulilo, mahi okuñongonoka nawa okuti onthyulilo maiya. Ekolelo malitukuatesako okukala tyaluguka iya atusuku novilinga via Huku.—Heb. 10:38, 39.
3. Omokonda yatyi tuesukisila okutualako nehambu tyina tulinga ovinga via Jeova?
3 Hambukilwa Jeova: Tyina Goge ya Magoge amaluisa ovanthu va Jeova, ekolelo lietu lipondola okulolwa. (Eze. 38:2, 10-12) Movilwa ovanthu vakala noluhepo, alo umwe vana vafinda vaponondola okuhepa. Okulia kupondola okuhamoneka, ovipuka aviho vipondola okupuiya, tupu ovanthu kavalingi etyi vahanda. Oñgeni matukala tyina ovitateka ngovio viamekipo? Habakuke ankho utyii okuti makala novitateka, moluotyo aovola okutualako nehambu movilinga via Jeova. (Hab. 3:16-19) “Okukala nehambu Jeova etuavela,” matyitukuatesako okupameka tyina tuamavasiwa novitateka.—Nee. 8:10; Heb. 12:2.
4. Ehambu patyi tupondola okukakala nalio komutwe wandyila, no pahetyino?
4 Vana Jeova makahupisa monthiki yeongamphela liae ikahi popepi, mavatualako okulongeswa onondyila mba Huku. (Hab. 2:14) Na vana mavakatutiliswa, navo mavakanoñgonoka Jeova. Mahi alo umwe pahetyino, tuna elao liokulongesa ovanthu vanoñgonoke Jeova novilinga viae!—Sal. 34:1; 71:17.