OLUMONO LUKAHI MONDAKA YA HUKU | PROVÉRBIOS 1-6
“Yumba Onthumbi mu Jeova Nomutima Wove Auho”
Tuesukisa okuyumba onthumbi mu Jeova nomutima wetu auho. Etyi tyihangunununa enyina lia Huku, tyitukalesa nonthumbi yokuti mafuisipo omilao viae aviho. Elikuambelo, olio litukuatesako okuyumba onthumbi mu Jeova. Proverbio okapitulu 3 kapopia okuti Jeova metuyambe mokonda yononkhono tulinga ‘mbokuviukisa onondyila mbetu.’
Una uyumba onthumbi mounongo wae muene . . .
ulinga omatokolo ahaiti Jeova emuhongolele
uliyumba onthumbi ine uyumba onthumbi mounongo wovanthu vomouye
Una uyumba onthumbi mu Jeova . . .
wovola okukala noupanga na Jeova, mokulilongesa Ombimbiliya, mokusokolola, no mokulikuambela
wovola ehongolelo lia Jeova iya alingi omaovololo Mombimbiliya, tyina alinga omatokolo
TETE: Ndyilinga etyi nasoka okuti tyaviuka |
VALI: Ndyiita Jeova ayambe omatokolo ange |
TETE: Ndyiovola ehongolelo lia Jeova, mokulikuambela no mokulinga elilongeso liange |
VALI: Ndyiovola okulinga etyi tyaviuka tyelikuata no nondonga mbo Mbimbiliya |