“Etyi Huku Apaka Mokanga Ike . . . ”

Movitumino viapelwe Moisesi omulume uhenga omukai wae una okumuavela omukanda wokulihenga. Otyo ankho opala ovalinepi vehelihenge vala tyawina. Moluotyo, pomuvo wa Jesus, kononkhalamutwe mbo nongeleya okulihenga ankho otyipuka tyapepuka kuvo. Ovalume ankho vapondola okuhenga ovakai vavo motyipuka tyehesilivila. (Ombimbiliya yokulilongesa outoi mu Mar. 10:4, 11) tupu tala, Jesus wevelondolele okuti otyinepo tyahindwa na Jeova iya oe o hekulu. (Mar. 10:2-12) Omukai no mulume vena okukala “ohitu ike” iya avakala kumwe apeho. Mombimbiliya muna vala ehunga like livasiwa mu Mateus lituala kokulihenga, “okulinga oumbalehi.” — Mat. 19:9.

Hono, ovanthu ovanyingi kavatale otyinepo ngetyi Jesus etyitala, mahi vetyitala ngetyi ova Faliseu ankho vetyitala. Tyina pamoneka ovitateka, ovanthu vahaumbila Jeova vatokola okulihenga liwa-liwa. Mahi ovalinepi Ovakristau, vasoka komilao viavo viakolela viotyinepo iya avalingi ononkhono mbokutetulula ovitateka viavo mokuendela monondonga mbo Mbimbiliya. Tyina muamatale ovidiu yati: Ohole Nonthilo Viwaneka Onombunga kumbululei omapulo aa:

• Oñgeni upondola okuundapesa Provérbios 15:1 motyinepo tyove iya tyakolela mokonda yatyi?

• Oñgeni upondola okulityilika ovitateka mokuendela mu Provérbios 19:11?

• Inkha otyinepo tyove tyina ovitateka, tyina uhenelipule okuti: ‘Ndyipondola okulihenga? Omapulo patyi ove wesukisa okulipula?

• Oñgeni ove upondola okukala omulume ukahi nawa ine omukai ukahi nawa mokuendela mu Mateus 7:12?