OKUYAWISA OUNONGO WETU WOKUIVISA

Okuundapesa o JW.ORG

TYAKOLELA MOKONDA YATYI: Omikanda aviho vikahi Motyipapo tyetu Tyokulongesa, vipopia o site jw.org. Ngotyo, ehunga liavilapo lyo kamukanda jw.org no tratadu Opi Tupondola Okuvasa Omakumbululo Omapulo Omanene Omuenyo? okutuala ovanthu mo site. Upondola okulekesa omunthu umwe omikanda vikahi Motyipapo tyetu Tyokulongesa mokuundapesa jw.org ine okutuma omukanda mo link. Otyo tyipondola okutukuatesako haunene tyina tuaava oumbangi komunthu upopia elaka ekuavo. Tupu, ovanthu vapondola okulinga omapulo amwe ahakumbululilwe momikanda vikahi Motyipapo tyetu Tyokulongesa. Inkha tuundapesa nawa o site yetu ovilinga vietu viokuivisa maviende nawa.

OÑGENI TYILINGWA:

• Undapesa “OMALONGESO OMBIMBILIYA.” Soka ñgeno ukahi nokuavela oumbangi kovohe yovana vahanda okunoñgonoka vali oñgeni vapondola okutekula ovana vavo. Nyingila pana pati: OMALONGESO OMBIMBILIYA > OTYINEPO & OMBUNGA.

• Undapesa “OMIKANDA.” Soka ñgeno ukahi nokuava oumbangi tyina uhekahi movilinga viokuivisa kosikola iya uhanda okulekesa una mulongeswa nae ombulusula yati Omakumbululo 10 Omapulo Alingwa Novakuendye. Nyingila pana pati OMIKANDA > OMIKANDA & NONOMBULUSULA.

• Undapesa “ONTHUE VALIE.” Soka ñgeno ukahi nokuava oumbangi ku una muundapa nae uhanda okunoñgonoka vali nawa konthele yomatavelo etu. Nyingila pana pati ONTHUE VALIE > OMAPULO ALINGWA APEHO.

TALA OVIDIU YATI: OKUUNDAPESA O JW.ORG IYA KONYIMA OTALE OPI UPONDOLA OKUNYINGILA MO SITE OPO UKUATESEKO:

• vokuhetavela okuti kuna Huku

• una walambela motyiponga

• omukuatate ine omphange wayeka-po ovilinga viokuivisa

• okukatalelapo ovanthu velipula opi kutunda onombongo mbokuvatela ovilinga vietu

• omunthu watunda kotyilongo otyikuavo mahi uhanda okutehelela eliongiyo melaka liae