“Tualeiko Okusoka Kovipuka Ovio”

Okovipuka patyi tuna okusoka? Omukanda Ova Filipu 4:8 upopia okuti, tuna okusoka kovipuka viotyotyili, ovipuka viesukisa, ovipuka viaviuka, ovipuka viasukuka, ovipuka vipandwa, ovipuka vipopiwa nawa, ovipuka oviwa, na vina viatokala okuhilivikwa. Otyo katyilekesa okuti Omukilisitau una okupopia vala omuvo auho konthele Yombimbiliya. Mahi, etyi tusokolola tyina okuhilivika Siovaa, atyihatendesa etokolo lietu liokukala ovakuatyili ku Siovaa. — Sal. 19:14.

Okulityilika omalusoke apenga tyipondola okupuiya. Onthue tuesukisa okulwa noukuankhali wetu, na Satanasi “huku youye uno.” (2 Kol. 4:4) Mokonda oe utumina ouye, ovipuka ovinyingi vipopiwa motelevisau, molaliu, mo Internet, no momikanda kaviaviukile. Tuesukisa okutala nawa etyi tupaka momutwe wetu, mokonda omalusoke etu apondola okunyonwa iya novituwa vietu. — Tia. 1:14, 15.

TALA OVIDIU YATI, LITYILIKA OVIPUKA VINYONA OUKUATYILI — OVITALUKISO VIAHAVIUKILE, KONYIMA AMUKUMBULULA OMAPULO AA:

• Oityi omukuatate ankho ekahi nokutala motelefone yae iya oñgeni tyemukalesa?

• Oñgeni omukanda Ova Galata 6:7, 8 no wa Salmo 119:37 viemukuatesileko?