Olie Mokongo?

Omanima aeho tulinga ononkhono mbokukonga ovanthu motelitoliu yetu opo veye Kehinangelo. katupondola vala okukonga ovanthu tuhei mahi tupu tuesukisa okukonga ovanthu tuwii. Tyina omunthu ei ou wemukonga, tyimupepukila okuya Kehinangelo. (Anuário yo 2008 pefo 11 § 3; no pefo 14 § 1) Ovalie upondola okukonga?

• Ombunga

• Ava uundapa navo na ava ulongeswa navo

• Ovo munthele yove

• Ovalongwa vove, novanthu muelilongesile-ale navo; novanthu ukahi nokutalela-po

Tupu, ovakulu vewaneno vapondola okukakonga vana vayekapo okuivisa. Ankho omunthu uhanda okukonga kakala apa ukala? Upondola okuvasa omphangu noola Yehinangelo. Nyingila mo Site Jw.org omange katutu peulu, pana pati ONTHUE VALIE, okamanga vali pana pati “Ehinangelo Liononkhia mba Jesus Kristu.” Tyina nkhele omuvo wehinangelo uhenehikepo soka olie upondola okukonga, ha okemukonga umwe.