Oityi Etompho Konthele Yombimbiliya Lialingilwa?

Okuhimbikila mu Janeiro yo 2018, kefo liokondye Momukanda Wovilinga muya etompho konthele Yombimbiliya. Etompho konthele Yombimbiliya lialingilwa-tyi?

Tyina Wapewa Onthele Yomulongwa: Una okulinga epulo, nokutanga otesitu, nokusapo epulo livasiwa kefo liokondye. Mahi otyo katyilekesa okuti una okulinga ngetyi tyalekeswa movidiu. Upondola okuhimbika monkhalelo yelikalela, nokuhangununa otesitu monkhalelo yelikalela. Tupu upondola okuava omukanda umwe uli Motyipapo Tyetu Tyokulongesa, namphila uheli momukanda wovilinga.

Movilinga Viokuivisa: Etompho konthele Yombimbiliya lialingwa opo likukuateseko okuhimbika etompho. Ankho omunthu wakala nesuko iya uhanda okunoñgonoka vali, ha mupondola okutualako netompho. Tyina wamakondoka-ko tompholei konthele yepulo liokutalelapo. Upondola okupilulula onondaka mbove mbokuhimbika, ankho otesitu nosapi yohanyi yokualamba oyo ovanthu motelitoliu yetu vesuka vali nayo. Okuti ovanthu apa ukala vesuka vali novipuka vimoneka ine ovipuka vilekeswa motelevisau? Upondola okuhimbika netompho notyipuka ovanthu motelitoliu yenyi vesuka vali natyo. Otyipuka tyesukisa vali, ‘okulinga ovipuka aviho mokonda yonondaka onongwa, opo umbuivise ku vakuenyi.’ — 1 Kol. 9:22, 23.