Kala Tyitai Onthyulilo Ili Popepi

OMOKONDA YATYI TYESUKISILA: Apa katutu ovipuka mavimoneka mavilolo okuakola kuetu omutima neyumba-nthumbi lietu mu Siovaa. Ononkhumbi ononene mambuhimbika nehanyauno lionongeleya mbomatutu. (Mat. 24:21; Ehol. 17:16, 17) Pomuvo opo wokuepuiya, matukaivisa onondaka mbekoyeso. (Ehol. 16:21) Tupu matukautukilwa na Gogue ya Magogue. (Eze. 38:10-12, 14-16) Mahi Siovaa opo ayovole ovanthu vae, maeta ‘ovilwa viae.’ (Ehol. 16:14, 16) Opo ha tukale nomutima wakola tyina ovipuka ovio viamamoneka, tuesukisa okukola omutima pahetyino movitateka vilola ekolelo lietu noukuatyili wetu.

OITYI MOLINGI?:

• Yakulila ovitumino vya Siovaa nomutima wakola. — Isa. 5:20.

• Tualako okuumbila Siovaa kumwe na vakuenyi. — Heb. 10:24, 25.

• Tavela liwa-liwa omahongolelo eongano. — Heb. 13:17.

• Soka oñgeni Siovaa ayovolele ovanthu vae kohale. — 2 Pet. 2:9.

• Likuambela, nokuyumba onthumbi ku Siovaa. — Sal. 112:7, 8.

TALA OVIDIU YATI TUESUKISA OKUKOLA OMUTIMA MOKONDA YOVIPUKA MAVIKAMONEKA KOMUTWE WANDYILA — OTYINTHIMBU, IYA KONYIMA AMUKUMBULULA OMAPULO AA:

• 

  Oñgeni ovaivisi valekeswa movidiu, vakala etyi ewaneno liavo liayapulwa?

• 

  Omokonda yatyi okukola omutima nokutavela viesukisila?

• 

  Omokonda yatyi matusukisila okukola omutima tyina o Alumagedom yamehikipo?

• 

  Onongeleka patyi mbo Mbimbiliya mbukukuatesako okukala nonthumbi yokuti Siovaa una epondolo liokuyovola? — 2 Crô. 20:1-24