OLUMONO LUKAHI MONDAKA YA HUKU

Siovaa Akale Otyiholamo Tyove

Siovaa wavelele ova Isilayeli omapunda-umbo epandu, ine omunthu waipaa mukuavo motyiponyo ngako akatilila. (Núm. 35:15; Omutala Omulavi 11/2017 Pefo 10 § 4)

Ovakulu vo mo Isilayeli, ovo ankho vena otyilinga tyokukoyesa onomphela mbovanthu vaipaa vakuavo motyiponyo. (Núm. 35:24; Omutala Omulavi 11/2017 Pefo 11 § 6)

Omunthu ankho ukatilila mepunda-umbo olio, utula omutima, katili vali owoma wokuti maipawa. (Núm. 35:25; Omutala Omulavi 11/2017 Pefo 13 § 13)

Ngetyi omunthu wokuaipaa mukuavo motyiponyo ankho esukisa okusapo ombunga yae, novipuka viae, notyilongo tyae akaholama mepunda-umbo liokutilila, no onthue pamwe tusukisa okuyekapo ovipuka vimwe opo Siovaa akale nokankhenda no onthue, etuevela ononkhali mbetu.

Omukuendye welivela onkhali alinga, pahe ukahi nokuita Siovaa emuevele. Omalutalatu: Linga ovipuka vimwe opo Siovaa ekuevele. 1. Omulume omu Isilayeli wakuata onkhali uya nokuita ovakulu vo mepunda-umbo liokutilila vemukuateseko. 2. Omukuendye una ankho welivela, waita ovakulu vewaneno vemukuateseko.