KALA NOMBILI MOVILINGA VIOKUIVISA | YAWISA KEHAMBU LIOVE MOVILINGA VIOKUIVISA
Hika Komutima
Okutavela ku Huku tyina okukala momutima womunthu. (Pro. 3:1) Otyo tuesukisila okulinga ononkhono mbokuhika komitima viovanthu tulongesa. Matutyilingi ñgeni?
Omulongwa wove wehemulongese vala otyili tyo Mbimbiliya. Mahi mukuatesako okunoñgonoka oñgeni etyi eli nokulilongesa tyelikuata nomuenyo wae noupanga wae na Siovaa. Mukuatesako aimbuke okuti ovitumino vyo Mbimbiliya, Huku wevipaka-ko mokonda utuhole iya utuhandela otyiwa. Pamwe mupula omapulo maemukuatesako okusoka oñgeni atala etyi eli nokulilongesa. Mukuatesako okutala oñgeni omuenyo wae maukala nawa ine uyekapo okulinga ovipuka ovivi. Tyina wamamono okuti omulongwa wove uhole Siovaa, ovilinga viokuivisa movihambukilwa vali.
TALA OVIDIU YATI: KALA NEHAMBU MOVILINGA VIOKULINGA OVALONGWA — YAWISA OUNONGO WOVE WOKULONGESA — HIKA KOMUTIMA. OKUMBULULA OMAPULO AA:
Omokonda yatyi Nita apulila Jade ine wasokele ku etyi vatompholele Tyasikunda?
Oñgeni Nita akuatesako Jade okunoñgonoka okuti Siovaa wapaka ovitumino Mombimbiliya mokonda umuhole?
Ine tuhika komitima viovalongwa vetu, mavahande okuhambukiswa Siovaa.
Oñgeni Nita akuatesako Jade okusoka ku etyi apondola okulinga opo alekese okuti uhole Huku?