Tekula Ovakai Ovakulu Ngatyina Ovo Nyoko, Ovahikuena Ovetekula Ngatyina Onomphange Mbove

Ombimbiliya itupopila okuti tuna okutekula nawa onombuale novakulukai vo mewaneno lietu, ngetyi tutekula nawa ovo tate yetu. Iya ovahikuena atuvetekula ngetyi tutekula ava tulikwai navo. (Tanga 1 Timotiu 5:1, 2.) Ovakuatate haunene, ovo vesukisa okutekula nawa onomphange nokuvelinga onthilo.

Omukuatate kapondola okulinga otyipuka tyilingisisa omphange okulitehelela omapita tyina eli ponthele yae. (Jó 31:1) Otyipuka otyikuavo ovakuatate vesukisa okulityilika, okulinga ovipuka ngatyina vahanda omphange umwe, mahi nthainyo vetupu-ale etyi vasoka.

Ovakulu vewaneno vesukisa okutehelela nawa tyina onomphange vevepula tyimwe, na tyina vevepopila otyipuka tyimwe tyesukisa okutalwa nawa. Iya haunene vena okukuatesako ovahepe novo kuahanepelwe. — Rute 2:8, 9.

TALA OVIDIU YATI: KALA NOHOLE IHAPU MEWANENO — NOVAHEPE, NA VANA VAUMBILA SIOVAA TYIHENA OVOHE. OKUMBULULA OMAPULO AA:

• 

  Oityi ovakuatate valinga etyi omphange Myint asiwapo nomulume wae?

• 

  Oñgeni ovanthu vakala etyi vamona onkhalelo ovakuatate vakuatesako omphange Myint?

• 

  Oñgeni etyi ovakuatate mewaneno valinga, tyakuatesako ovana vomphange Myint?

Ovipuka patyi oviwa upondola okulingilako onomphange vomewaneno lienyi?