Tyahapu Katyiko

Ovitateka vipondola okutusoyesa, haunene umwe tyina vikala ehimbwe. Ohamba Saulu ankho umonesa emone Daviti. Mahi Daviti ankho utyii okuti kumbi ononkhumbi ombo mambupu. Tupu ankho utyii okuti nthiki imwe makala ohamba yo Isilayeli, ngetyi Siovaa emupopilile. (1 Sam. 16:13) Otyo, otyo apuilile-elundo, akevelela ku Siovaa.

Tyina tuna ovitateka, onthue tulikuatehila umwe tuvitetulule. (1 Sam. 21:12-14; Pro. 1:4) Mahi ine tuna otyitateka tyimwe, tualinga-le etyi Ombimbiliya ipopia tutyitetulule, mahi otyo tyituala-ko vala? Matulingi ñgeni? Naina opo pahe tuna umwe vala okulikuatehila, atupu-elundo, atukevelela vala ku Siovaa. Apa kapii, Siovaa “makasekuna ononkhuka” momaiho etu. (Ehol. 21:4) Tyilinge otyitateka tyetu o Siovaa yatyo metyipolo-ko, tyilinge ovanthu ovakuavo, otyipuka tyimwe tyipondola okutuungumanesa omutima, okuhinangela okuti “tyahapu katyiko.”

TALA OVIDIU YATI: OVANTHU VELIKUATA OKAPANDI MOUYE ANKHO WELIYAPAUKA. PAHE OKUMBULULA OMAPULO AA:

• Ovitateka patyi vakuetu ko Estados Unidos vakalele navio?

• Oityi valingile tyimoneka umwe nawa okuti ankho vapwa-elundo, velihole?

• Oñgeni valingile “ovipuka viesukisa vali”? — Fili. 1:10.