OMWENYO WETU WOUKILISITAU

Ovipuka Vimwe Vili Momukanda Kalako Nomwenyo Apeho!

Okuti uhole ono vidiu, nomapulo eli momukanda Kalako Nomwenyo Apeho!? Iya onthele ina yokuati “Ovanthu Vamwe Vati,” no yokuati “Hetekela Okulinga Ñgaa,” no yokuati “Kuhande Okuovola Vali?” Mokutala ononthele ombo nambo umbuhole. Mahi ovipuka patyi ovikwavo vili momukanda oo mavitukuatesako motyilinga tyetu etyi tyokulongesa ovanthu valinge ovalongwa? — Mat. 28:19, 20.

Omukanda “Kalako Nomwenyo Apeho!” waikulilwa mo “JW Library.” Pena okalola kena nokulekesa pokuati “Ono Vidiu, Novikwavo 1.”

Ono Vidiu, Novikwavo: Ine tyina ulongesa, ulongesila momukanda-kanda watyo, opi movasi ono vidiu nomikanda omikwavo viapopiwa momalongeso? Pomukanda wokupakwa motelefone, muna ononthele ononkhuana, koyapo ike. Pahe pombuelo yatyo pena apa pokuati: “Ono Vidiu, Novikwavo.” Opo yatyo opo, movasi-po ono vidiu nomikanda omikwavo viapopiwa monthele oyo aiho. (Tala olutalatu 1.)

“Edição Impressa”: Ine mulilongesa momukanda, mahi omukanda wove una-o mo telefone, pamwe mosukisa okutala oñgeni omukanda-kanda watyo ukahi. Opo utyivile, enda pombanda pokuna ono pondu ononthatu, omange-po. Mapamoneka pamwe pokuati “Edição Impressa,” nyingila-po. Okulinga ngotyo motyivili okutala oñgeni onondaka ambuho mbuli pelongeso mbelikuata nosapi. Pahe ine wahanda okukondoka vali apa ankho uli? Kondoka vala pono pontu ononthatu, mapeya onondaka mbokuati “Edição Digital.”

Omukanda “Kalako Nomwenyo Apeho!” waikulilwa mo “JW Library.” Pena okalola kena nokulekesa pokuati “Okuti Pahe Ndyipondola?” no pokuati “Ovipuka Vimwe Viahangununwa Nawa.”

“Okuti Pahe Ndyipondola . . . ”: Opo yatyo opo, pena etyi omulongwa esukisa okulinga alinge omuivisi, netyi ena okulinga ambatisalwe. (Tala olutalatu 2.)

Ovipuka Vimwe Viahangununwa Nawa: Onthele oyo ihangununa ovipuka vimwe, nonondaka mbumwe mbapopiwa momukanda. Pomukanda upakwa mo telefone, tyina wenda pokuati “Ovipuka Vimwe Viahangununwa Nawa,” opo yatyo opo, pena apa umanga ukondoke vali pelongeso ankho uli nokutanga. (Tala olutalatu 2.)

Lilongesa omukanda Kalako Nomwenyo Apeho! novalongwa vove atee upwa. Pahe ine omulongwa umbatisalwa tyina nkhele ehenemane okulilongesa omukanda oo? No ngotyo muna okutualako okulilongesa-o atee upwa. Nankho umwe omulongwa wambatisalwa-le, tyina ukemulongesa upondola okuvalula onoola. Nomunthu muli nokuundapa nae, nae upondola okuvalula onoola muakala nokumulongesa.