Onalupi Tupondola Okulekesa Onovidiu

Tuna onovidiu ononkhuana tupondola okulekesa ovanthu movilinga viokuivisa. Oityi mbalingilwa?

• 

  Oityi Wesukisila Okulilongesa Ombimbiliya? — Aiho. Yalingwa pala okukuatesako ovanthu vesuke nokulilongesa Ombimbiliya, na vana umwe vena-le ongeleya. Ipa ovanthu ondundo yokulilongesa Ombimbiliya vanoñgonoke omapulo vehole okulilinga, iya etyi ipopia tyapepuka okutyinoñgonoka. Tupu ovidiu oyo ipopia etyi omunthu apondola okulinga alongeswe Ombimbiliya.

• 

  Oityi Wesukisila Okulilongesa Ombimbiliya? (okanthimbu). Ei yelifwa vala novidiu Oityi Wesukisila Okulilongesa Ombimbiliya? — Aiho. Haunene otyiwa okuilekesa kovanthu vakwata omapita na vana vokualumbana.

• 

  Oñgeni Tyililongeswa Ombimbiliya? Yalingwa pala okukuatesako ovanthu okulilongesa Ombimbiliya otyali, tupu ipopia oñgeni tyililongeswa Ombimbiliya netyi omunthu apondola okulinga opo alongeswe.

• 

  Liepeko! Yalingwa opo ilekeswe kovanthu tyina vametavela okulilongesa Ombimbiliya. Namphila ovidiu ei ili vala momukanda Kalako Nomwenyo Apeho!, mahi tupu tupondola okuilekesa komunthu tyina tuli nokulilongesa mombulusula yatyo. Ovidiu ei ipopia etyi omunthu apondola okuvasa momukanda, novipuka mamulilongesa.

Namphila kanda vidiu ina etyi yalingilwa, mahi ambuho tupondola okumbulekesa kovanthu tyina tyitavela. Tumuavela ondundo amuho ovaivisi munoñgonoke nawa onovidiu ombo, na mutyivile okumbulekesa kovanthu movilinga viokuivisa.