Vimwe Upondola Okulilongesa
Tala Etyi Mohimbika Natyo
Atuho tutupu omuvo omunyingi wokulinga elilongeso lietu lioulike. Oityi tuna yokulinga, momuvo tuna nokulilongesa Ombimbiliya tulilongese umwe etyi tyitiwa otyetyi? Tete, wahakuluminye. Hahe vali ulilongese ovipuka viehehi olipulukwa umwe nawa, tyipona okulilongesa ovipuka ovinyingi mahi okuluminya vala.
Vali, tyina uti pokulilongesa, tala otyipi motetekela. (Efe. 5:15, 16) Apa pena ovipuka vimwe upondola okulinga:
Tanga Ombimbiliya ononthiki ambuho. (Sal. 1:2) Upondola okuhimbikila kokutanga ovikapitulu mavililongeswa meliongiyo liomokati kosimanu.
Lilongesa nawa Omutala Womulavi, neetyi matulongesiwa meliongiyo liomokati kosimanu. Lilongesa umwe nawa utyivile okukakumbulula. — Sal. 22:22.
Ine utala pahe omuvo wokulilongesa omunyingi, opo pahe tanga omikanda omikwavo omipe omupika eli nokutwavela, tala onovindiu, novipuka ovikwavo vali viya mo jw.org.
Lilongesa ovipuka ovikwavo wahanda okunoñgonoka. Upondola okwovola etyi omikanda vietu vipopia tyiyemba kotyitateka tyimwe uli nokulwa natyo, hamwe otyipuka tyimwe ulipula, pamwe otyipuka otyikwavo tyili m’Ombimbiliya wahanda okunoñgonoka vali nawa. Opo utale vali ovipuka ovikwavo upondola okulilongesa, enda apa pokwati “Exercícios Bíblicos,” mo jw.org.