Olie Makamana-ko Ovilwa Nonondyaya?

HUKU MAKAPOLA-KO OVATUMINI

Huku makapola-ko ovatumini movilwa, Ombimbiliya iihana okuti ovilwa vyo Alumangendom.a (Eholololo 16:16) Pomuvo watyo opo “onohamba kombanda yohi aiho,” mambukelipaka kumwe ‘ambwongiyilwa ovilwa vionthiki onene ya Huku, Omuvili wa Atyiho.’ (Eholololo 16:14) O Alumangendom ovilwa Huku makamana-ko navio ovilwa aviho. Okutuka opo kakukankhindauka vali ovilwa.

Huku makapola-ko ovatumini apake-ko Ouhamba wae, outumini maukatuminina keulu auhanye-ko omautumini aeho. (Ndaniyele 2:44) Huku wakoya Omona wae, Sesusi Kilisitu alinge Ohamba Youhamba oo. (Isaiya 9:​6, 7; Mateusi 28:18) Ouhambab watyo oo oyouna Sesusi alongesile ovalongwa vae vewiite tyina vati pokulikwambela. (Mateusi 6:​9, 10) Ovanthu aveho kombanda yohi mavekelikwata-po mokonda mavakatuminwa vala na Sesusi.

Sesusi kamakalinga ngeetyi tyilinga ovatumini hono, pokutumina kamakalinga ovipuka elieetele vala oviwa oe mwene. Mokonda Sesusi uviukisa utupu okapungulula, petupu omunthu nawike makalinga otyiho tyokuti hamwe makalingwa onya mokonda yotyilongo ekulila, neanda liae nomuhoko wae. (Isaiya 11:​3, 4) Ovanthu kamavekesukisa vali okunkhindula onondyaya mokonda yokwalingwa onya. Oityi tupopila ngootyo? Omokonda Sesusi mekesuka novanthu vatyo aveho. Ombimbiliya yati: “Makayovola omuhepi uulula onkhwo, wahanda okukwateswako, no wokwamona emone na una wehena ou umukwatesako. . . . Mekeveyovola ko vokuvelinga onya no vokuveveta.” — Oviimbo 72:​12-14.

Ouhamba wa Huku maukapola-ko omauta aeho kombanda yohi. (Mikeya 4:3) Maukahanya-ko ovanthu aveho vokutyihanda tyokulwa, vokutyopola vakwavo ankho vena ombembwa. (Oviimbo 37:​9, 10) Ovanthu aveho kombanda yohi, ovalume, novakai, novana, mavakafima-po. — Isekiyele 34:28.

Tyina Ouhamba wa Huku wamahimbika okutumina kombanda yohi, ovanthu aveho mavakakala nawa. Ouhamba wa Huku maukamana-ko atyiho tyilingisa ovanthu okulwa, maukamana-ko oluhepo, nondyala, neevi visa ovanthu tyihena omaumbo avo. Ovanthu aveho mavakakala nokulia okunyingi kukahi nawa, avakakala nomaumbo avo mwene. — Oviimbo 72:16; Isaiya 65:​21-23.

Ouhamba wa Huku maukapola-ko omalapia aeho ovilwa. Tyati nomalapia momalutu ovanthu, notyiho, nomalwihamo vena komutima mokonda yovipuka vamwene movilwa. Na vana vokwankhia mavakatutiliswa avakakala vali nomwenyo kombanda yohi. (Isaiya 25:8; 26:19; 35:​5, 6) Onombunga ambuho mambukelivasa no vavo ankho vanyima, kamavakahinangaila vali ovivi viovilwa, mokonda, “ovipuka vyo kohale vialamba-le.” — Eholololo 21:4.

HUKU MAKAPOLAKO ONKHALI

Tyina Ouhamba wa Huku wamahimbika okutumina pano pohi, ovanthu aveho mavakafenda vala Huku wike wotyotyili, Siovaac “Huku wolwembia, wombembwa.” (2 Ova Kolindu 13:11) Ovanthu mavakalongeswa etyi vena okulinga velikwate-po na vakwavo vakala navo. (Isaiya 2:​3, 4; 11:9) Aveho vana veketavela etyi mavakalongeswa mavakayovoka konkhali. — Ova Loma 8:​20, 21.

HUKU MAKAHANYA-KO SATANASI NOVILULU VIAE

Ouhamba wa Huku maukahanya-ko vana vokuhohiya ovilwa, Satanasi novilulu viae. (Eholololo 20:​1-3, 10) Tyina Satanasi novilulu viae vamahanywa-ko, kombanda yohi “makukakala ombembwa onene.” — Oviimbo 72:7.

Etyi Huku apopia tyokuti makamana-ko ovilwa no nondyaya otyili umwe, tyiyumbwa onthumbi. Mokonda tyati umwe oe utyivila okuvimana-ko, tupu oe utyihanda tyokumana-ko ovilwa.

• Huku una ounongo nononkhono mbokumana-ko ovilwa nonondyaya. (Sombe 9:4) Huku petupu etyi tyimupona. — Sombe 42:2.

• Huku tyimwihama okutala ovanthu vamona ononkhumbi. (Isaiya 63:9) Tupu uyele, “una uhole ovilwa.” — Oviimbo 11:5.

• Etyi Huku amapopi utyilinga, kakembe. — Isaiya 55:​10, 11; Titu 1:2.