Yumba Onthumbi mu Siovaa Omuyovoli

Tanga Onombalulo 13:25–14:4 unoñgonoke etyi ova Isilayeli valingile tyilekesa okuti vayekele-po okuyumba onthumbi mu Siovaa.

Soka kovipuka viaendele-po. Mokonda Siovaa wayovolele ova Isilayeli ko Isitu, otyipuka otyo ankho otyo ñgeno tyiveavela onthumbi yokuti Siovaa meveyovola vali. (Ovii. 78:​12-16, 43-53) Mahi oityi vahayumbilile onthumbi mu Siovaa? (Epal. 1:​26-28) Oityi ovo Susuwee na Kalembe vapopile tyalekesa okuti vayumba onthumbi mu Siovaa? — Onob. 14:​6-9.

Tyiheyulula umwe. Oityi ova Isilayeli ankho vena okulinga vayumbe onthumbi mu Siovaa? (Ovii. 9:10; 22:4; 78:11) Oityi tutila okuyumba onthumbi mu Siovaa tyilekesa okuti tumulinga onthilo? — Onob. 14:11.

Tala evi ulilongesila-ko. Lipula okuti:

• ‘Onalupi tyimphwiya vali okuyumba onthumbi mu Siovaa?’

• ‘Oityi ndyina okulinga ndyiyumbe onthumbi mu Siovaa pehepano no komutwe oku twenda nako?’

• ‘Okuti nayumba umwe onthumbi mu Siovaa, mokukevela ononkhumbi ononene?’ — Luka 21:​25-28.