Oityi Ovanthu Vehelivilila na Vakwavo? — Oityi Ombimbiliya Ipopia?

Ovatumini vovilongo, nomaongano ovanthu, kaetyivilile okwetako ombembwa. Hono omalwei avilapo vali tyipona kohale, nkhele vala twatundile Movilwa Viavali Viouye (Segunda Guerra Mundial). Ovanthu ono mbiliau onombali — ovanthu ovanyingi mouye — vakala umwe apa peli nokunkhinduka omalwei oo.

Omokonda yatyi ovanthu vehenela ombembwa na vakwavo? Oityi Ombimbiliya Ipopia?

Ovipuka vitatu vilingisa ovanthu okwahakala nombembwa

1. 1. Ovanthu hono valinga ovipuka viehevekalesa nombembwa. Ombimbiliya yapopile okuti pena omuvo umwe “ovanthu mavakalinga vokulihole evo mwene, vokuhole onombongo, vokulimphanda, vokulipaka-ko, . . . vemphinia, . . . vokwahatehela ku vakwavo, . . . vehelikondola mutima, ovinyama, . . . vonkhango, vepwila melungavi.” — 2 Timotiu 3:2-4.

2. 2. Onthwe atwike vala katutyivili okuliyovola kovitateka viouye uno, tusukisa okukwatesiwako na Siovaaa Huku. Ombimbiliya ipopia okuti: “Omunthu weenda nonomphai mbae vala hae-ko umbululika.” — Sele. 10:23.

3. 3. Ouye auho uli pomaoko ondingavivi. Ondingavivi oyo o Satanasi Eliapu likahi “nokuyapula ovanthu kombanda yohi aiho.” (Eholololo 12:9) Mokonda “ouye auho uli peke liondingavivi,” otyo hono kunela omalwei. — 1 Swau 5:19.

Olie maeta ombembwa?

Ombimbiliya ipopia okuti matukakala nombembwa, mahi ombembwa oyo kamayetwa-ko novanthu, o Huku meyeta-ko.

• “‘Mokonda mwene ame ndyityii etyi ndyimusokela,’ o Siovaa wetyipopia, ‘ombembwa, havihuna, ndyimupa omphamekelo, ndyimupa okukevela.’” — Selemiya 29:11.

Oityi Huku malingi aeteko ombembwa? ‘Huku upa ovanthu ombembwa, apa katutu makamiangula Satanasi.’ (Ova Loma 16:20) Otyo meketyilinga noutumini wae, ou Ombimbiliya ipopia okuti “Ouhamba wa Huku,” maweeta ombembwa mouye auho. (Luka 4:43) Tyina Sesusi Ohamba youhamba oo amehimbika okutumina, ovanthu mavetyimono umwe nawa oityi tyitiwa okukala nombembwa. — Isaiya 9:6, 7.

• Opo utyinoñgonoke vali nawa, tanga onthele yati: “O que é que o Reino de Deus realizará?”