Okuti Huku oe Watunga Eliapu?

Ekumbululo Lyo Mbimbiliya

Ombimbiliya ilekesa okuti Huku kalingile Eliapu. Mahi, watunga oandyu yelityitula Eliapu. Konthele ya Huku Ombimbiliya ipopia okuti: “Ovilinga viae viafwapo nawa, mokonda onondyila mbae ambuho ouviuki. Huku wotyotyili uhena natyike tyahaviukile. Oe omuviuki, tupu omukuatyili.” (Deuteronômio 32:3-5) Onondaka ombo mbutulekesa okuti, Satanasi Eliapu ankho watungwa tyihena onkhali, omuviuki, tupu ankho o umwe povana va Huku onoandyu.

Mu Suau 8:44, Sesusi wati Eliapu “katuaileko okukala motyili.” Otyo tyilekesa okuti Satanasi ankho wali umwe oandyu ongwa, yahavelwa onombei.

Mahi, ngetyi tyikahi ovanthu ovakuavo vonondunge Siovaa atunga, oandyu yelityitula Satanasi ankho ina epondolo liokuholovona okulinga otyiwa ine otyivi. Etyi liakoya-po okutyitukilapo Huku nokuhongiliya ovalinepi votete okulipaka moumphuki oo, akala Satanasi tyihangununa okuti “Ondyale.” — Gênesis 3:1-5; Eholololo 12:9.