Jose ankho ulikuatehila opo ahasoke unene, nokulinga nawa ovilinga viae. Ngotyo Jeova avela Jose ononkhano onongwa iya akala omunthu wapandua nomuhona wae omupe. Potifar amono okuti omuundapi wae omukuendye Jose wayambua na Jeova, Huku yombunga ya Jose iya ononkhano ombo tyotyili mbukahi nokueta olumono meumbo liae mo Egitu. Katutu-katutu Jose atualako okuhumbwa alo Potifar emutuma ayunge atyiho tyikahi meumbo liae.​—Gênesis 39:3-6.

Tupu, ehipululo litupopila okuti, Jose akala omunthu walongoka nawa. Omukuendye oo, akala omulume, “omuwa unene, nokuapama.” Onondaka ombo mbulekesa okuti ouwa oo ankho maupake Jose motyiponga tyokupeleyua nokufewa monkhalelo ihaviukile.